Taǵy da jeńilis

Beısenbiden jumaǵa qaraǵan túni elimizdiń eń úzdik ko­­mandasy «Aqtóbe» Eýropa lıgasynyń 3-shi irikteý ke­ze­ńin­de biraz ýaqyt arqalap júrgen úmitimizdi aqtamaı, óz ala­ńynda Reseıdiń «Alanııa» klýbynan utylýǵa májbúr boldy. Sóıtip, «Aqtóbe» jyldaǵy osy kezde bolatyn ádeti boıynsha taǵy da Eýropa lıgasymen qosh aıtys­ty. Bul oıynda otandastarymyz al­ǵashqy kezdesýdegi nátıjeni qaı­talap, utymdy paıdalana almaı, jeńilis tapty. Osy jeńilis úshin biz «Aqtóbeniń» barlyq oıyn­shy­la­ryna kiná taǵa almaımyz. Oıyn­shylardyń bári shamasy kelgenshe ádemi oınaýǵa tyrysty. «Aqtóbe» osyndaı jaýapty syndardy ádemi, qarsylastarymen názik oınaýdy ábden boıyna sińirip alǵan sııaqty. Komandanyń qarsylasynan jeńi­lýiniń bir sebebin osymen de baı­lanystyrýǵa bolady. Al qazaq ko­mandasynan góri Eýropa alańda­rynda biraz kóılek tozdyrǵan «Alanııa» olaı etpedi. Tis qaqqan, bilikti bapker Valerıı Gazzaevtyń uly, 31 jastaǵy Vladımır Gaz­za­ev­tyń komandasy «Aqtóbe» sııaqty oıyndy shekten tys ádemi, saq oınamaı jıi-jıi shabýyldar jasap, dittegen maqsatyna jetýdi oılastyrdy. Sóıtip, tek nátıje úshin ǵana oınaǵan reseılikter matchtyń ekinshi jartysynda alań ıelerine birinshi bolyp dop soǵyp úlgerdi. Rasyn aıtsaq, osy kezde «Aqtóbe» sasqalaqtap, myńdaǵan jankúıerlerdiń aldynda esepti teńestire almaı, sol názik oınaý ádetin ári qaraı jalǵastyratyn bola ma dep te oılaǵan edik. Alaıda namysqa tyrysqan aqtóbelikter 75-mınótte esepti teńestire aldy. Doptyń avtory Djılas rasy kerek, ádemi gol soqty. Osy oıynda «Aqtóbeniń» sapyndaǵy Malık Mane shabýylǵa ádemi pas shyǵa­ryp otyrdy. Ekinshi taımda Djılas pen Haırýllın dop soǵý múm­kindikterin  paıdalana almady. Al «Alanııa­nyń» sapynda komanda­sy­na gol syılaǵan О́zbekstan qura­masynyń múshesi Bıkmaev alań ıelerine biraz sheberligin kórsetip oınady. Oıyn osylaı teń eseppen aıaq­talǵan soń, qosymsha berilgen jar­ty saǵat ýaqytta esep ózgermedi. Osydan keıin 11 metrlik penaltıde «Alanııanyń» joly boldy. Penaltıde qonaqtardyń bári gol soqsa, bizdiń komandada Mane men Djılas qaqpashydan aılasyn asy­ra almady. Osylaısha, «Alanııa» kelesi aınalymǵa shyqsa, «Aqtóbe» taǵy da orta jolda jer sıpap qaldy. Kóńilge bir qýanysh uıalata­ty­ny, reseılik «Sport-ekspress» ga­ze­ti­niń 4 tamyz kúngi sanynda «Aq­tóbe» men «Alanııa» komandalary­nyń oıy­ny aldynda shyqqan materıal boldy. Gazettiń «Ehalı v Azııý, popalı v Evropý» degen materıalda Aqtóbege oıyn týraly reportaj daıyndaýǵa kelgen av­tor­dyń jergilikti halyqtyń qo­naq­jaılyǵy, qa­lanyń tazalyǵy, eli­miz­diń gúldenip, órkendep bara jat­qany týraly jaz­ǵan maqalasy shyn máninde ada­m­nyń kóńilin ósiredi eken.