Provaıderlerge joǵaryda atalǵan ınternet resýrstardy, sondaı-aq ABBYY elektrondy sózdik baspasynyń, «Laboratorııa Kasperskogo» jáne DrWeb antıvırýstyq kompanııalarynyń saıttaryn buǵattaýǵa tapsyrma berildi.
Budan bólek, RBK, «TV Sentr», VGTRK, «NTV Plıýs», TNT jáne «Zvezda» telearnalarynyń kórsetilimine tyıym salý men aktıvterin buǵattaýdy qarastyratyn sanksııalar qabyldandy.
Sondaı-aq Ýkraına prezıdentiniń jarlyǵymen sanksııaǵa ilingen jeke tulǵalar tizimi keńeıtildi. Osylaısha, Ýkraınanyń «qara tizimine» barlyǵy 1228 adam men 468 kompanııa kirdi.
Atap aıtqanda, sanksııaǵa «Edınaıa Rossııa» partııasynyń depýtaty Alekseı Jýravlev, KPRF depýtattary Vladımır Rodın, Vladımır Bessonov, Aleksandr Kýlıkov, LDPR depýtaty Alekseı Dıdenko, «Spravedlıvaıa Rossııa» partııasynyń depýtattary Mıhaıl Brıachak pen Oleg Pahalkov ilindi.
Aıta keteıik, buǵan deıin aqpan aıynyń ortasynda Ýkraınanyń ishki ister mınıstrligi «VKontakte» men «Odnoklassnıkı» reseılik áleýmettik jelilerine tyıym salýǵa shaqyrǵan bolatyn.
Vedomstvo basshysynyń keńesshisi Zorıan Shkırıaktyń aıtýynsha, bul resýrstar Reseı arnaıy qyzmetiniń tolyq baqylaýynda.
Gemius saraptama kompanııasynyń málimeti boıynsha, Ýkraınada «VKontakte» áleýmettik jelisin 5,4 mln adam qoldansa, 3 mln adam – «Odnoklassnıkı» jáne 2,1 mln adam «Feısbýk» qoldanýshylary bolyp tabylady. Bular Ýkraına ınternet keńistigindegi paıdalanýshylary eń kóp on saıttyń qataryna kiredi.
