Bul dəstúrli festıvalge arnaıy shaqyrtý alǵandardyń biri – Qazaqstan men Orta Azııadan jalǵyz Mańǵystaýdaǵy N.Jantórın atyndaǵy oblystyq mýzykalyq teatr ujymy bolsa, ekinshisi – lıtvalyq teatr.
Sahnalyq óner ujymdarynyń shyǵarmashylyq baıqaýy jəne sheberlik syrlary men təjirıbe almasýy, atalǵan elder arasyndaǵy mədenı yntymaqtastyqty nyǵaıtý maqsatyndyǵy festıval baǵdarlamasyna jerlesterimiz Ý.Shekspırdiń «Gamlet» tragedııasyn usyndy. Spektakldiń qoıýshy rejısseri QR eńbek sińirgen qaıratkeri G.Merǵalıeva. Basty rolderdi teatrdyń R.Aqtaev, S.Seıtqojaeva, K.Basharov, M.О́miralıev, S.Sərsen, Ǵ.Tilegen, E.Beken, t.b. talantty akterler somdaǵan qoıylymnyń eki kórsetilimi de anshlagpen ótti.
Jergilikti kórermender men əriptesteri mańǵystaýlyqtar ónerine úlken qoshamet kórsetti. Teatrdyń bas rejısseri G.Merǵalıevanyń aıtýynsha, mańǵystaýlyq ártister sahnalaǵan qoıylym festıvaldiń úzdik qoıylymdarynyń biri dep baǵalandy. Sondaı-aq, qazaqstandyq teatr ərtisteriniń joǵary kəsibı sheberligi men sahna mədenıeti týraly túrik baspasózinde kóptegen jyly lebizder jarııalanyp, festıvaldiń mədenı baǵdarlamasy aıasynda kórsetken ulttyq kıimder jıyntyqtary əriptesterin ǵana emes turǵyndar men týrısterdi de qatty qyzyqtyryp, əleýmettik jelide belsendi nasıhattalǵan.
Əlemdik klassıkalyq týyndyny sahnalaýdaǵy sheberlikteri jəne baǵdarlamalyq mədenı-kópshilik sharalarǵa belsene qatysqany úshin N.Jantórın teatry festıvaldi uıymdastyrýshylar men TÚRKSOI-dyń arnaıy júldelerimen marapattaldy.
«Osy óner sapary arqyly biz Elbasymyzdyń «Bolashaqqa baǵdar: rýhanı jańǵyrý» maqalasynda aldymyzǵa qoıylǵan ulttyq mədenıet pen ónerdiń jetistikterin əlemdik deńgeıde nasıhattap, ózge eldermen mədenı baılanystardy nyǵaıtýǵa úles qosý jónindegi mindetterge atsalysa bastadyq. О́zimizdiń óremizdi kórsetip, ózgelerdegi de kəsibı ósýge qajet təjirıbe, mashyqtardy úırendik. Bul bizge jazda Astanada ótetin EKSPO-2017 Halyqaralyq kórmesinde elordalyqtar men əlemniń ər túkpirinen keletin qonaqtar aldynda da oıdaǵydaı óner kórsetýimizge jaqsy sabaq boldy. Al EKSPO-2017 kórermenderine Ábish Kekilbaevtyń «Shyńyraý» povesiniń jelisi boıynsha sahnalanǵan osy attas drama men Sultanbek Qudaıbergenniń «Perzenthana» qoıylymyn usynamyz», deıdi shyǵarmashylyq topty bastap barǵan teatr dırektory Nurnııaz Muhanov.
Gúlaıym ShYNTEMIRQYZY,
«Egemen Qazaqstan»
