Munda kezekshi prokýrorlar azamattardy qabyldap, olarǵa keńes berip, ótinishterdi jazý barysynda kómek kórsetedi. Sondaı-aq, azamattarǵa prokýratýranyń barlyq deńgeıdegi basshylarynyń qabyldaýyna jazylýǵa múmkindik týǵyzylǵan. Azamattar ótinishteriniń qaralý barysy jaıly aqparat pen jaýaptardyń kóshirmelerin de ala alady.
Bul jańa ortalyq kútý ornymen jáne elektrondy kezekpen jabdyqtalypty.
Ortalyq jumysyn qonaqtarǵa tanystyrý barysynda osy ortalyq basshysy – Bas prokýrordyń aǵa kómekshisi Saǵatbek Súleımen: «Bas prokýror Jaqyp Asanovtyń tapsyrmasymen aǵymdaǵy jyldyń sáýirinen bastap testilik rejımde jumys jasaı bastaǵan Azamattardy qabyldaý ortalyǵy quryldy. Biz búgin resmı túrde onyń tusaýyn kesip otyrmyz. Bul halyqpen jumys jasaýdyń sapasyn jaqsartýdaǵy qadamdardyń biri jáne biregeıi bolyp tabylady. Jyldyń aıaǵyna deıin óńirlerde de osyǵan uqsas jaǵdaı jasaýdy josparlap otyrmyz», – dedi. Al AEAjQS QR Arnaıy esepke alý jáne quqyqtyq statıstıka komıtetiniń tóraǵasy Baǵdat Mýsın ortalyq qurý týraly oıdyń júzege asqany týraly keńinen tarqata áńgimelep berdi.
«Bizdiń qyzmetkerler osy keńistikti, eń aldymen, ózderi sezinýi tıis. Halyqqa qyzmet kórsetý ortalyqtary sekildi biz halyqqa qyzmet etýimiz kerek, bul úshin servıstik ahýal qalyptastyrýymyz qajet jáne prokýrorlar da osyǵan bet burǵany jón. Jaqyn arada iske qosylatyn Quqyq qorǵaý qyzmetiniń ortalyǵynda da servıstik jetildirýdi usynatyn bolamyz», – dedi B.Mýsın.
Qazaqstan Respýblıkasy Bas prokýratýrasynyń 115 sall-ortalyǵy da ózgeristerden tys qalmady, onda bıznes-prosester jetildirildi. Bul oraıda Bas prokýratýranyń Aryz-shaǵymdardy qaraý týraly zańdardyń qoldanylýyna qadaǵalaý jáne is júrgizý basqarmasynyń bastyǵy Janbolat Týǵanbaev: «Biz qyzmetimizdi belsendi túrde jetildirip kelemiz. О́tken jyly 73 myńnan asa qońyraýlar qabyldandy, olardyń árqaısysy biz úshin óte mańyzdy jáne árbir ótinish muqııat zerdelendi», – dedi.
Aleksandr TASBOLATOV,
«Egemen Qazaqstan»
