Búginge deıin 895 gektar jer kólemin alyp turǵan ortalyqqa 3,5 mlrd teńge shetel ınvestıtsııasy tartylyp, aýdannyń 156 turǵyny jumyspen qamtylǵan.
«Bul tańqaralyq óte keremet, ári ǵajap qus. Dýadaq qusynyń tarıhy arab elimen tyǵyz baılanysty. Myń jyldan asa ýaqyt burynǵy asharshylyqta arabtar negizi qoryǵy retinde osy qusty aýlaǵan kórinedi. Endi tabıǵat tamashasyn óz ıesine qaıtarý úshin barymyzdy salýdamyz»,-deıdi atalǵan ortalyqtyń basqarýshy dırektory Roman Bakıev.
Aıta keteıik, mundaı tuqymbaqtar álemniń úsh elinde ıaǵnı Morokko, Birikke Arab Ámirligi men Qazaqstanda ǵana bar. Atalǵan tuqym baq sońǵy úlgidegi qural-jabdyqtarmen jaraqtandyrylǵan. Mundaǵy ósirilip jatqan qustar onlaın rejımde baqylanyp, jem-sý bekitilgen tártippen berilip otyrady. Jalpy munda ósirilgen dara dýadaqtar Ońtústik Qazaqstan oblysynyń Sozaq aýdanyndaǵy Betpaqdala aımaǵyna jiberiledi. Arab tarapy Qazaqstan aldyndaǵy óz mindetin oryndaý úshin 2010-2017 jyldar aralyǵynda Qazaqstannyń tabıǵatyna bas-aıaǵy 2 myńǵa jýyq dýadaq ushyrylǵan.
2005-2006 jyldary Qazaqstan men Birikken Arab Ámirligi elimen ózara kelisimimen jabaıy dýadaqtyń uıasynan jumyrtqasy alynyp, ınkýbasııadan keıin qustardy Birikken Arab Ámirliginiń ornıtologııalyq tálimbaǵyna jetkizilgen bolatyn. Sodan beri dýadaq qusy burynǵy otany - Qazaqstan jerinde de ósirile bastady.
