Onyń aıtýynsha, qujatta kóleńkeli ekonomıka, júıelengen jeńildikter sharalary qarastyrylyp, jer qoınaýyn ıgerýshilerge yntalandyrý usynylady. Sonymen qatar ShOB pen agroónerkásiptik keshen sýbektileri sharttary jeńildetiledi.
"Salyq kodeksin ońtaılandyrýdyń joly daıyndaldy. Mundaǵy ıdeologııa boıynsha adal kásipkerlerdi qorǵaý basshylyqqa alynady. Birinshiden, barlyq túsiniksiz jáne anyq emes jerler salyq tóleýshige túsindiriledi. Bul salyqtyq daýlardyń aldyn alady", - deıdi vıse-mınıstr.
Onyń aıtýynsha, ekinshiden, eger salyq tóleýshi salyq organynyń túsindirýi boıynsha jumys istegen bolsa, penııa men aıyppul salynbaý usynylǵan.
Úshinshiden, endi salyq organdarynyń tekserilýi negizdi bolýy kerek.
Tórtinshiden, bıznestiń jańa zańdy úırenýine jetkilikti ýaqyt beriledi. Túzetýler 1 shildege deıin qabyldaný usynylýda.
Besinshiden, qujatty bir jyl boıy qaptaǵan túzetýlerden bosatý usynylýda. Osylaısha, bir zań turaqty ornaýyna ýaqyt berilmek.
