Is-sharaǵa Joǵarǵy Sottyń, Bas prokýratýranyń, ishki ister, ádilet, din isteri jáne azamattyq qoǵam mınıstrlikteriniń, sonymen qatar oblystyq quqyq qorǵaý jáne sot júıesiniń ókilderi, túzeý mekemeleriniń basshylary, quqyqtanýshy ǵalymdar jáne basqa da ýákiletti tulǵalar qatysty.
Kóshpeli otyrys aıasynda qoldanystaǵy Qylmystyq-atqarý kodeksiniń erejelerin atqarýdy jetildirýdegi aǵymdar, ózekti máseleler men keleshegi, probasııa salasyndaǵy zańnamaǵa monıtorıng júrgizý barysynda qylmystyq sot tóreliginiń qaıta áleýmettendirý áserin arttyrý, «Qazaqstan Respýblıkasynyń táýelsizdiginiń 25 jyldyǵyna baılanysty raqymshylyq jasaý týraly» zańdy iske asyrýdyń keıbir qorytyndylary, sondaı-aq penıtısıar júıesiniń máseleleri talqylandy.
Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı 2014 jylǵy shildede qabyldanǵan Qylmystyq-atqarý kodeksi sottalýshylardyń quqyqtary men zańdy múddelerin qorǵaý jáne qylmystyq jazalaýdy oryndaý tıimdiligi deńgeıin aıtarlyqtaı kótergenin atap ótti.
«Qylmystyq-atqarý kodeksimen qatar biz jańa Qylmystyq-prosestik jáne Qylmystyq kodeksterin de qabyldadyq. Kodeksterde kórinis tapqan kóptegen ózgerister qoǵamdyq tártipti qamtamasyz etýdegi memlekettiń róli, sot isiniń ár satysynda adamnyń konstıtýsııalyq quqyqtary men bostandyqtaryn qorǵaýshysy retinde bizdiń azamatarymyzdyń quqyqtyq sanasyna keshendi ózgerister ákeldi. Bul reformalardyń barysynda bes satyly sot júıesinen úsh satylyǵa ótý arqyly biz sot júıesin reformalaǵanymyzdy aıta ketý kerek», - dedi senator.
Senator qylmystyq-atqarý júıesine qatysty zańdar qabyldaý barysynda depýtattar zańdylyq, gýmanızm jáne ádilet qaǵıdalaryn negizge alatynyn atap ótti. «Ony 20 myńǵa jýyq sottalýshy qamtylǵan gýmmanıstik akt retinde Qazaqstan Respýblıkasynyń «Táýelsizdiginiń 25 jyldyǵyna baılanysty raqymshylyq jasaý týraly» zańynyń qabyldanýy dáıekteı alady.
Qylmystyq-atqarý kodeksi qylmystyq jazalaýdy oryndaý tıimdiligin arttyrdy, jazalaýshy júktemeni azaıta otyryp, jazalaýdyń tárbıeleý-aldyn alý qyzmetin kúsheıtti. Zańdarmen jumys aıasynda sottalýshylardyń negizgi quqyqtary men mekeme ákimshiliginiń mindetterin naqy bekitýge tyrystyq», - dep atap ótti komıtet tóraǵasy.
Búgingi kezdesýdiń maqsaty - quqyqtyq tájirıbeni taldaý, qylmystyq-atqarý júıesiniń ózekti máselelerin túzeý mekemelerine baryp, kózben kóre otyryp talqylaý. «Barlyq dáıektelgen usynystar Prezıdent janyndaǵy Quqyqtyq saıasat keńesiniń jáne Parlament palatalarynyń otyrystarynda aıtylatyn bolady. Birde-bir usynys parlamenttik rásimder bóliginde qaraýsyz qalmaıdy», - dedi Serik Aqylbaı.
