Astanada «25 jyldyń 25 hıt áni» atty konsert ótti

El Táýelsizdiginiń 25 jyldyǵyna oraı Astanada «25 jyldyń 25 hıt áni» atty konsert ótti. Shırek ǵasyr ishinde mádenıet salasynda jetken jetistikterimiz saralanyp, qazaqstandyq estrada juldyzdarynyń tanymal ánderi oryndaldy. N.О́nerbaevtyń «Anashym», О́.Altaevtyń «Aq sáýlem», Báıterek tobynyń «Sen», Q.Nurtastyń «Baıqa» ánderi, sondaı aq «MýzArt» toby, «Orda» toby, T.Zabırova, N.Esqalıeva, T.Asar, B.Qorǵan, J.Seıfýllın, A.Kerimbekova, D.Tańatarov, D.Ahmadıeva, Qydyráli men Qaraqat, Aısha men Búrkit syndy birqatar ánshiler óner kórsetti. 1991-2016 jyldar aralyǵynda hıtke aınalǵan ánder – el táýelsizdiginiń jemisi, tuǵyry myqty qazaq degen halyqtyń baǵa jetpes baılyǵy. Týǵan elimizdiń kók baıraǵyn álemge tanytqan Ibragım Eskendirdiń «Kók týdyń jelbiregeni» jastyq jigerdi, rýhty oıatatyn, naǵyz patrıottyq sezimdi beınelegen 2011 jyldyń úzdik áni bolatyn. Mine, osyndaı tarıh qoınaýyna engen jyrlar, kórermen úshin ári ystyq, ári ótken kúnge saıahat jasaýmen teń. «Elimizdiń júrip ótken joly, qalyptasýy men damýynda dástúrli ónerimiz, onyń ishinde án salasy halyqqa etene jaqyn. Halyq kóńiliniń hoshyn izdegende án tyńdaǵysy keledi, tipti án shyrqap ta jiberedi. Qoǵamnyń qaı salasyn alyp qarasaq ta damý bar, jetken jetistigimiz bar. Bizdiń maqsatymyz – 25 jyldyń eń úzdik, jurttyń júreginen jol tapqan, eldiń aýzynda júrgen ánderdi halyqqa sahnadan kórsetý. Bir jaǵy merekelik konsert bolsa, taǵy da ánniń, ónerdiń, mádenıettiń nasıhaty», – deıdi QR eńbek sińirgen mádenıet qaıratkeri, ánshi Nurlan О́nerbaev. Aıman MUQYShEVA «Egemen Qazaqstan»