Foto: egemen.kz/ Erlan Omar
Aqmola oblystyq densaýlyq saqtaý basqarmasynyń basshysy Nurlan Narımannyń aıtýynsha, oqıǵa ornyna jedel járdem brıgadasy jetkenge deıin 5 adam oqıǵa ornynda kóz jumǵan. Taǵy 2 adam aýrýhanaǵa jetkizilgennen keıin qaıtys bolǵan.
«Qazirgi tańda 13 adam medısınalyq kómek alyp jatyr. Olardyń jaǵdaıy aýyr jáne ortasha aýyr dep baǵalanyp otyr», dedi ol.
Shýchınsk aýdandyq aýrýhanasynda zardap shekken 7 adam em alyp jatyr. Olardyń tórteýi aýyr jaǵdaıda jansaqtaý bóliminde bolsa, qalǵan úsheýi travmatologııa bóliminde, jaǵdaılary ortasha aýyr dep baǵalanǵan.
Sonymen qatar, túngi ýaqytta alty adam oblystyq aýrýhanaǵa evakýasııalanyp, jansaqtaý bólimine jatqyzylǵan. Osylaısha, aýrýhanaǵa jetkizilgen 13 adamnyń 10-y aýyr jaǵdaıda, úsheýi beıindi bólimde ortasha aýyr halde em qabyldap jatyr.
Buǵan deıin zardap shekkenderdiń arasynda kishkentaı bala bar degen aqparat rastalmady. Dese de 15 jastaǵy qyz aýrýhanada kóz jumǵan.
Berilgen málimetterge sáıkes, zardap shekkenderdiń kópshiligin kúıik shalǵan. Keıbiriniń jalyn saldarynan tynys alý joldary zaqymdanyp, ıngalıasııalyq kúıik dıagnozy qoıylǵan.
Oqıǵaǵa baılanysty qylmystyq is qozǵaldy, alaıda onyń naqty qaı bap boıynsha tirkelgeni ázirge belgisiz.
