О́ńir basshysy aldymen 15 naýryzdaǵy respýblıkalyq referendýmnyń el bolashaǵy úshin tarıhı mańyzyn atap ótti. Sonymen qatar 13 aqpannan bastap óńirde «Ádil, progressıvti Qazaqstannyń Halyqtyq Konstıtýsııasy úshin!» óńirlik koalısııasy jumysyn bastaǵany aıtyldy. Koalısııa quramyna bes saıası partııa fılıaly – «Amanat», «Qazaqstan Halyq partııasy», «Aýyl», «Aq jol», «Respublika», sondaı-aq kásipodaq uıymdary, ardagerler keńesi men qoǵamdyq birlestikterdiń ókilderi engen.
Elordada Konstıtýsııalyq reformaǵa arnalǵan halyqaralyq konferensııa ótti
Otyrysqa qatysýshylar Konstıtýsııa jobasyna engizilgen ózgeristerdiń quqyqtyq negizderi týraly baıandama jasady. Búginde oblysta referendýmǵa qatysty keshendi aqparattyq naýqan belsendi júrgizilip jatyr.
Jıyn barysynda jańa Konstıtýsııa jobasynyń ashyq ári jarııa talqylaýdan ótkenine erekshe nazar aýdaryldy. Árbir azamattyń óz pikirin bildirý múmkindigi nyǵaıyp, zamanaýı talaptarǵa saı sheshimder qabyldaýǵa jol ashqany aıtyldy.
AQSh-taǵy zań mektebinde elimizdiń jańa Konstıtýsııalyq reformasy talqylandy
Kezdesý sońynda oblys ákimi Konstıtýsııalyq reformalardyń tabysty júzege asýy qoǵamdyq kelisim men ár azamattyń belsendi ustanymyna baılanysty ekenin atap ótip, jıynǵa qatysýshylarǵa alǵys bildirdi.
Ulytaý oblysy
