Foto: Komsomolskaıa pravda, telegram
Robert Bıvannyń sońǵy iri utysy King Scratch lotereıasynda tirkelip, 50 myń dollar jeńip alǵan. Qujat rásimdeý kezinde qyzmetkerler onyń buǵan deıin de 17 márte júlde ıelengenin anyqtaǵan.
Amerıkalyqtyń alǵashqy iri jeńisi 1997 jyly bolǵan. Sol kezde ol birden jeti Chevrolet Blazer jol talǵamaıtyn kóligin utyp alǵan.
Osy jyldar ishinde Robert túrli kólemdegi aqshalaı syılyqtarǵa ıe bolǵan. Eń iri utystarynyń biri – 200 myń dollar. Roberttiń aıtýynsha, ol jubaıymen birge lotereıany eshqashan baıyp ketýdiń joly dep eseptemegen. Erli-zaıypty bıletterdi kóbine kóńil kóterý úshin – dúkenge nemese janarmaı beketine barǵan kezde satyp alyp júrgen.
Rober jýrnalısterdiń «sáttiliktiń syry nede?» degen suraǵyna: «Meniń ómirimdegi eń úlken jolym – jubaıym jáne 40 jyldyq baqytty otbasylyq ómir», dep jaýap bergen eken.
R. Bıvannyń oqıǵasy kezdeısoq sáttiliktiń qarapaıym adamdy lotereıa ańyzyna aınaldyra alatynyn taǵy bir márte aıǵaqtady.
Áleýmettik jelide zańsyz lotereıa uıymdastyrǵandar jazalandy
