Bıshimbaev baǵanyń negizsiz ósýine jol bermeıtin sharalar usyndy

UEM áleýmettik mańyzy bar azyq-túlik taýarlarynyń baǵasyn baqylaýǵa qoǵamdy qatystyrýdy josparlap otyr. Bul jaıynda Ulttyq ekonomıka mınıstri Qýandyk Bıshimbaev búgin Úkimet otyrysynda baıandady. Ol áleýmettik mańyzdy azyq-túlik taýarlary baǵasynyń negizsiz ósýine jol bermeıtin birqatar shara usyndy, Eń aldymen taýarlarǵa belgilenetin ústeme baǵanyń shegin anyqtaý usynylyp otyr. Ol atalǵan normalar áleýmettik mańyzdy azyq-túlik taýaryn satatyn satýshylardy tártipke úıretedi dep esepteıdi. «Saýda nysandarynyń sanatyna baılanysty saralanatyn bólshek jáne kóterme saýdadaǵy ÁMAT ústeme baǵasynyń shekti mólsherin zańnamalyq turǵydan bekitýdi usynamyz.  Qoldanystaǵy retteýden bólshek jáne kóterme saýdadaǵy qymbat baǵany baqylaý men monıtorıng jasaý tetigi túbegeıli túrde alshaq»,  dedi Bıshimbaev. Ústeme baǵanyń shekti negizinde aı saıyn «usynbaly baǵa» esebi júrgiziletin bolady. Ol buqaralyq aqparat quraldarynda, memlekettik organdardyń ınternet resýrstarynda ashyq túrde jarııalanady, sondaı-aq, saýda nysandarynyń aqparattyq taqtalaryna jazý mindetteledi. Atalǵan jańalyq satýshy úshin de, tutynýshy úshin de «túsinikti baǵa belgileýdi» qamtamasyz etýge múmkindik beredi. «Usynbaly baǵa» týraly aqparatqa qoljetimdilik qalyń kópshilikti baǵalardy monıtorıngteýge jáne «usynbaly baǵa» boıynsha belgilengen baǵa men naqty baǵanyń sáıkes kelmeýin anyqtaýǵa tartýǵa múmkindik beredi, osylaısha ÁMAT baǵasyn retteýdiń tıimdiligin túbegeıli arttyrýǵa yqpal etedi», - dep atap ótti mınıstr. Budan basqa, «usynbaly baǵa» esebiniń ózektiligi men dáldigin qamtamasyz etý úshin óndirýshiler úshin qosymsha shyǵynsyz bosatylatyn baǵa týraly aqparatty jınaýǵa múmkindik beretin statıstıka negizindegi aqparattyq júıe qurý usynylady. «Áleýmettik mańyzdy azyq-túlik taýarlary baǵasyna «usynbaly baǵa» men shekti ústeme baǵany belgileý azamattarǵa baǵanyń negizsiz ósý faktileri boıynsha tekseris jasaıtyn ókiletti organdarǵa shaǵym aıtýǵa quqyq beretin quqyqtyq tetik pen baǵdar bolmaq», - dedi Bıshimbaev. Dınara BITIKOVA, "Egemen Qazaqstan".