Qutqarýshylardyń málimetinshe, oqıǵa týraly habar túskennen keıin órt sóndirýshiler oqıǵa ornyna bes mınýt ishinde jetken. Ǵımarattan segiz gaz ballony shyǵarylyp, 10-nan astam adam qutqaryldy.
Aldyn ala aqparat boıynsha, oqıǵa saldarynan shamamen 20 adam zardap shegip, jeti adam qaza tapqan. О́rt tolyqtaı sóndirildi, qazirgi ýaqytta qutqarýshylar úıindilerdi arshý jumystaryn jalǵastyryp jatyr. Oqıǵanyń sebepteri men mán-jaıy anyqtalýda.
Oqıǵa ornynda Tótenshe jaǵdaılar departamentiniń basshylyǵy, oblys ákiminiń orynbasary bar. Sondaı-aq órt sóndirý bólimderi, qutqarý toptary, medısına qyzmetkerleri, polısııa jáne gaz-tehnıkalyq ınspeksııa jumyldyrylǵan. Sanıtarlyq avıasııa men TJM-niń reanımobılderi daıyndyq rejımine qoıyldy.
