Úkimet áleýmettik sala uıymdaryn básekeli ortaǵa berýdi usyndy

Áleýmettik sala uıymdaryn básekeli ortaǵa berý usynyldy. Bul týraly Úkimettiń kezekti otyrysynda Qarjy mınıstri Baqyt Sultanov respýblıkalyq jáne kommýnaldyq menshik úıymdaryn, sonymen qatar kvazımemlekettik kásiporyndardy «Yellow Pages Rulle» aıasynda básekeli ortaǵa shyǵarý boıynsha júrgizilgen jumystar týraly baıandama jasaý kezinde aıtty. Áleýmettik sala uıymdaryn básekeli ortaǵa berý memleket menshigindegi uıymdardy kommersııalandyrýdyń ekinshi kezeńinde múmkin bolmaq. Qarjy mınıstriniń aıtýynsha, alǵashqy kezeńnen keıin memleket menshiginde 5 991 uıym qalady. Onyń jartysyna jýyǵyn nemese 42% -y balabaqshalar. Besten bir bóligin JOO, kolledjder, qosymsha bilim berý uıymdary quraıdy. 13 % -y emhanalar men aýrýhanalar, 8,5% –y teatr, mýzeı, mádenıet úıleri. Qalǵan uıymdar – monopolııa, BAQ, veterınarlyq uıymdar jáne t.b. «Negizgi bóligin áleýmettik sala uıymdary quraıdy. Olardy básekeli ortaǵa berýdi kommersıalandyrý máselesi, JOO-yn reformalaý aıaqtalǵannan keıin múmkin bolady dep sanaımyz. Sonymen qatar, memlekettik kásiporyndar bıýdjettik bekitý - jańa –uıymdastyrý-quqyqtyq formasy engizilgennen keıin aıtarlyqtaı qysqarýǵa tıis. Olardy odan ári MJÁ jelisi boıynsha berý jeke bıznesti belsendirýge jol ashady»,-dep atap ótti B.Sultanov. Inventarızasııalaýdyń ekinshi kezeńinen keıin memleket menshiginde 1 400-ge jýyq uıym qalady. Baıandamashy atap ótkendeı, bıznes balabaqshalardy senimgerlik basqarýǵa alýǵa nıet bildirip otyr. Arnur Asqarov, "Egemen Qazaqstan".