16 jeltoqsanǵa arnalǵan aýa-raıy

Qazaqstannyń basym bóliginde astmosferalyq aǵymdardyń ótýine baılanysty aýa raıy turaqsyz bolady. Keı jerlerge qar jaýyp, ońtústik óńirlerge qar qalyń túsýi yqtımal. Tek batys pen soltústik-batysta ǵana qar jaýmaıdy. Bul týraly QR IIM Tótenshe jaǵdaılar qyzmeti habarlady. Elimizdiń birqatar aımaqtarynda tuman túsip, kóktaıǵaq bolyp, jel kúsheıedi. Almaty oblysynda jeldiń kúshi kúndiz sekýndyna 17-22, Jalańashkól aımaǵynda 20-25 metrge deıin jetedi. Jambyl oblysynda keı jerlerde tuman túsedi, jeldiń kúshi 15-20 metr/sekýndty quraıdy. Batysta 30 metr/sekýndqa deıin jetedi. Ońtústik Qazaqstan oblysynda jeldiń kúshi sekýndyna keı jerlerde 15-20 metrge deıin barady. Shyǵys Qazaqstan oblysynda burqasyn, kóktaıǵaq, bolady. Jeldiń kúshi sekýndyna 23-28 metr. Pavlodar oblysynda jeldiń jyldamdyǵy sekýndyna 15-20 metr bolady. Qaraǵandy oblysynda tómennen burqasyndatyp, tuman, kóktaıǵaq bolady. Jeldiń uıytqýy sekýndyna 15-20 metr. Qyzylorda oblysynda da tuman túsip, kóktaıǵaq bolady. Aqmola oblysynda burqasyndatyp, jel 15-20 metr/sekýndqa deıin kúsheıedi. Atyraý, Batys Qazaqstan, Qostanaı, Soltústik Qazaqstan, túnde Mańǵystaý oblystarynyń keı jerlerinde tuman túsedi.