Jasampazdyqtyń jıyrma bes jyly

Tuńǵysh Prezıdent – Elbasynyń qory men Aqparat jáne kommýnıkasııalar mınıstrligi birlesip, osyndaı ataýmen fotokórme uıymdastyrdy. El Táýelsizdiginiń 25 jyldyq mereıtoıyna oraı ótken sharada egemen memlekettiń fotosýrettegi jylnamasy usynylǵan. Kórmeniń ashylý saltanatynda qordyń atqarýshy dırektory Saǵyndyq Nurahanov sóz sóılep, kópshilikti ulyq meırammen quttyqtady. «Fotokórme taımlaın rejimindegi erekshe pishimde jasaqtaldy. Munda Qazaqstan derbestiginiń damý hronologııasyn kórýge bolady. Kórermen nazaryna qoıylǵan kadrlarmen qosa, negizgi datalardy eske túsirip, qyzyqty faktilerdi kez­destiresiz», dedi S.Nurahanov. Jıynda Aqparat jáne kommýnıkasııalar vıse-mınıstri Alan Ájibaev sóz sóıledi. Ol kelýshilerge ystyq yqylasyn jetkizip, merekelik lebizin bil­dirdi. «Bul fotokórmeni Qazaq­stan Táýelsizdigine tar­tylǵan salmaqty syı deýge ábden bolady. О́ıtkeni, elimiz Prezıdent Nursultan Nazarbaevtyń sarabdal saıasatynyń arqasynda qandaı bıikke órlese, osy sharada atalǵan joldaǵy jeńisti jáne jetistikti sátterimizdi qamtýǵa tyrystyq», dedi vıse-mınıstr. Fotokórme qonaqtary memle­kettiń qalyptasýyn kórse­tetin biregeı tarıhı sýret­ter­di tamashalady. Aıtalyq, Semeı polıgonynyń jabylýyn, Qazaqstannyń birinshi ǵarysh­­keriniń kosmosqa ushýyn, memlekettik rámizderdiń qa­byl­­danýyn, elimizdiń BUU-ǵa kirýin aıǵaqtaıtyn týyndylar kórermendi aıryqsha áserge bóleıdi. Qazaqstan halqy As­sambleıasynyń qurylýy, elor­danyń Arqa tósine kóshýi, Álemdik jáne dástúrli dinder kóshbasshylarynyń sezderi, «Bolashaq» baǵdarlamasyn qurý syndy umytylmas ýaqıǵalardy beıneleıtin kadrlardan mereıtoı mańyzyn uǵynýǵa bolady. Ashat RAIQUL, «Egemen Qazaqstan» Sýretti túsirgen Orynbaı BALMURAT, «Egemen Qazaqstan»