Bolashaqqa senimimiz nyq - Hasanǵalıev

Keshe ǵana Astanadan úlken oqıǵaǵa ortaqtasyp oral­­dyq. Asa saltanatty májilis bol­dy. Elbasymyz aýqymdy baıan­­­dama jasady. О́te este qalar­lyq jaǵdaı boldy. Olaı deıtinim, Elbasy esep sııaq­­ty, eldiktiń eń mańyzdy sát­­terin túgel qamtyp ótti. San túrli sala boıynsha osy jyl­dardaǵy erekshe sátterdiń bar­lyǵy da kóz aldymyzǵa kel­di. Osyndaı shejireli kúnnen qalyp qoı­maı, kóppen birge bolǵanymyzǵa, elimizdiń amandyǵyna qýandym. Qandaı tabysqa qol jetkizsek te osynyń bári Táýelsizdiktiń arqasynda birtindep júzege asyp jatyr. Shyǵar­ma­shylyq adamdarynda, óner ókilderinde erkindik bar. Buryn tek bir partııa­nyń soıylyn soǵyp, jyryn jyrlaı­tyn edik. Shyǵarmashylyq adam­dary úshin taqyryp tańdaý, oı azatty­ǵy de­gen – úlken syı. Munsyz mádenıet damymaıdy. Qalaı bolsa da beıbitshilikpen bir shırek ǵasyrdy eńserdik. Oryndalmas­taı kóringen kóptegen armandarymyz júzege asýda. Áli eńserilmegen jospar­lar bolsa, birtindep atqaryla jatar. Qazaq­stan álemde óz ornyn bekemdedi. Eń bastysy, bolashaqqa degen senim nyq. Táýelsizdigimiz máńgilik bolsa, jaǵdaıymyz budan da jaqsy bolady. Bizdiń jastarymyz da talantty, alǵyr, qabiletti. Bir baıqaǵanym, jas daryndar otandyq, egemendik, eldik týraly birqatar týyndylardy dúnıege ákelgen eken. Sátti shyǵarmalar da bar. Jastar osy baǵytty ulastyrsa, shy­naıy shyǵarmalar týdyra berse dep oılaımyn. «Mahabbat, óldim, kúıdim, súı­dim» degen jeńil shyǵarmalar da kerek shyǵar. Biraq, otanshyldyq, eljan­dy­lyq turǵysyndaǵy týyndylar halqy­myz­dyń rýhyn oıatady. Týǵan jerdi qadirleýge, súıýge tárbıeleıdi. Elimizdi jańa jetistikterge jeteleıdi. Osy taqy­ryp­tarǵa kóp mán berý kerek. Son­dyq­tan, jas kompozıtorlarǵa aıtar aǵalyq ótinish, tilegim osyndaı. Eń bastysy, egemendigimiz máńgilik bolsyn. Egemendigimiz máńgilik bolsa, el de aman, tynyshtyq, berekemiz de birge bolady.  Barsha otandastarymdy elimiz­diń eń úlken merekesimen quttyqtaımyn! Eskendir HASANǴALIEV, Qazaqstannyń halyq ártisi, Memle­ket­tik syılyq­tyń laýreaty ALMATY