Yntymaq yrysy

Elbasy N.Nazarbaevtyń  bastamasymen qurylǵan Konstıtýsııalyq mártebesi bar aıryqsha ınstıtýt – Qazaqstan halqy Assambleıasynyń ómirge kelip,  osy eldegi barsha etnos ókilderiniń ıgiligi men yntymaǵyna qyzmet etip otyrǵany úshin eń aldymen Prezıdentimizge alǵys aıtamyz. Qazaqstan Táýelsizdiginiń  25 jyldyǵyna oraı saltanatty jıynda jasaǵan Prezıdentimizdiń baıandamasyn zor yqylaspen tyńdadym. Erkin elde ómir súrip jatqanymyz úshin qýandym, Táýelsizdikti nyǵaıtý úshin júzege asyryp jatqan tabystar týraly estip, marqaıdym. 25 jylda qol jetken jetistikti saralap, «Neden uttyq? Osynyń bárine qalaısha qol jetkizdik?» degen máni bar suraqtardy el aldyndaǵy esebi, keleshekke jasaǵan baǵdary ispetti mańyzdy oılaryn keń piship, kemel túıindeıtin minezimen jan-jaqty baıandady. Qaıtalaýdan jalyqpaı aıtyp kele jatqan «Keleshegimiz – birlikte!» degen sózin óte kóregendilikpen aıtylǵan sóz dep bilemin. Qazaqstanda qyrýar sharýalar atqarylyp jatyr. Elbasymyz egemen eldi erteńge alyp ótetin altyn kópir saldy, Táýelsizdik jolyna mıýaly aǵash ekti, Táýelsizdikti armandaǵan halqy úshin shólden qudyq qazyp, ańqasy kepken jurtyna zám-zám sýyn berdi. Osy halyqpen bite qaınasyp, eldiń órkendeýi jolynda qajyr-qaıratyn aıamaı eńbek etip jatqan barlyq halyqtyń  quramynda biz de, uıǵyr ulty da tynyshtyqty, yntymaq- birlikti, beıbitshilik pen dostyqty, rýhanı kelisimderdi nyǵaıtýǵa óz septigimizdi tıgizip jatyrmyz degen oı meni de jylytady. Sebebi, bıylǵy Táýelsizdik kúniniń ataýly merekesine oraı 83 jyldyq tarıhy bar Uıǵyr mýzykalyq drama teatryna «akademııalyq» degen úlken mártebe berildi. Halyqtyń rýhanı, mádenı órisin keńeıtken óner ordasynyń eńbegine laıyqty baǵa berip, abyroıyn ósirgeni Qazaqstanda turyp jatqan  kúlli uıǵyr halqynyń mereıin tasytyp, qýanyshqa bóledi.  Mundaı abyroıly ataqty ıelený biz úshin baqyt. Ahmetjan AShIRI, Qazaqstannyń eńbek sińirgen qaıratkeri, jazýshy-dramatýrg ALMATY