EKSPO-2017 kórmesine múmkindigi shekteýli jandar qatysýy múmkin

BUU-nyń Damý baǵdarlamasy Qazaqstandaǵy múmkindigi shekteýli qolónershilerdiń jumysyn qoıý úshin EKSPO-2017 kórmesiniń aýmaǵynan oryn bólinedi degenge úmitti. Bul týraly búgin BUU Damý baǵdarlamasy tóraǵasynyń orynbasary Mýnhtýıa Altangerel málim etti, dep habarlady QazAqparat. Búgin Astanada ótken «Sheber-Kerýen festıvalinde estý qabileti nashar qolónershilerdiń qolynan shyqqan dúnıeler halyq nazaryna usynyldy. «BUU-nyń Qazaqstandaǵy Damý baǵdarlamasy elimiz boıynsha eki júzge jýyq qolónershini oqytqan bolatyn. Olar EKSPO kórmesine qatysady dep úmittenemiz», – dedi Mýnhtýıa Altangerel. Aıta keteıik, Táýelsizdiktiń 25 jyldyǵyna arnalǵan festıvalǵa 70-ten astam daryndy qolóner sheberi qatysyp jatyr. Olardyń arasynda úı sharýasynda otyrǵan áıelder de, qolónerdi kásip etken bıznesmender de, sol sııaqty áýestenip, hobbıi etken adamdar da bar.