Juma kúni munaı baǵasy naryqty "plıýspen" japty. Bul óz kezeginde munaı eksporttaýshy elderdiń 10 jeltoqsandaǵy kelisimniń sharttaryn oryndaýǵa daıyn ekendigin bildiredi.
О́tken apta sońy London qor bırjasyndaǵy munaı baǵasy 1,19 dollarǵa qymbattap, barreline Brent munaıy 55,21 dollarǵa jetti.
Al jalpy apta ishindegi kórsetkish boıynsha baǵa 88 sentke kóterilgen.
Al AQSh pen Lıvııadaǵy jaǵdaı, ıaǵnı ondaǵy óndiristiń kóbeıýi munaı baǵasyn tómen tartyp tur.
Aldaǵy aptada munaı baǵasyna áser etedi degen birqatar faktor bar.
20 jeltoqsanda Amerıkandyq munaı ınstıtýty AQSh munaı qory boıynsha aptalyq esebin jarııalaıdy.
21 jeltoqsanda AQSh energetıkalyq basqarmasy munaı men janarmaı qory týraly aptalyq málimetti usynady.
23 jeltoqsanda Baker Hughes AQSh-taǵy burǵylaý qondyrǵylarynyń sanyn jarııalaıdy.
Jalpy, OPEK+ (uıymǵa kiretin jáne kirmeıtin elder) kelisimin oryndaýǵa Reseı men Kýveıt daıyn ekendikterin birinshi bolyp bildirdi.
