Japonnyń kompıýterlik qaýipsizdik júıesin daıyndaıtyn Trend Micro kompanııasy 2017 jyldyń basty kıberqaýipterin atady, dep habarlaıdy kommersant.ru.
«Aldaǵy jyl kıberqaýipsizdiktiń jańa deńgeıge kóteriletin ýaqyty. 2016 jyly kıberqylmyskerler ózderiniń sheberlikterin arttyryp, kıbershabýyldardyń túr-túrin meńgerip aldy. Onlaın bopsalaýdyń jańa túrleri iri korporasııalarǵa úlken qaýip tóndirýde», - dep jazady atalǵan kompanııanyń baspasóz qyzmeti.
Jalpy, 2017 jyly "ınternet dúnıeler" men "ónerkásiptik ınternet dúnıelerge" sanaly túrde úlken shabýyldar jasalýy yqtımal. Bul turǵyda iri korporasııalardyń "jandy jerleri", sonyń ishinde korporatıvti júıeler kıberqylmyskerler úshin úlken múmkindik kórinedi.
Sarapshylardyń aıtýynsha, Apple men Adobe ónimderiniń ıeleri atalǵan qylmystardan saqtandyrylmaǵan.
«2016 jyly Apple kompanııasynyń álsiz tustary kóptep anyqtaldy. Bir jyl ishinde 50 shaqty álsiz tustary belgili boldy. Al Adobe ónimderi úshin bul kórsetkish 135, Microsoft ónimderin buzý de hakerler úshin buıym emes. Kompanııa ónimderiniń 76 jerinen álsizdik baıqaldy», — delingen baıandamada.
