Zelenovta – Munaıshy, Tasqalada – Sadyq qalashyqtary boı túzedi

Egemen elimizdiń jıyrma jyl­dyq tarıhynda joıqyn sý tas­qy­ny tuńǵysh ret bıyl Oral óńi­rin­de tirkeldi. Jas ta jańa mem­le­kettiń qursaǵynan shyqqan tóten­she jaǵdaılar jónindegi qu­ry­lym­dar da aıtyp kelmegen mun­daı tabıǵat apatymen tuń­ǵysh ret bettesip, ony aýyz­dyq­taı bildi. Tasqynnyń aımaqqa keltirgen ora­­san zor shyǵyndary jóninde bas­pasóz betinde buǵan deıin de jetkilikti jazyldy. Son­dyqtan oǵan toqtalmaı bú­gin­de sý as­tyn­da qal­ǵan Zelenov jáne Tasqala aýdan­darynyń or­talyqtarynda ja­ńa qalashyqtar salynyp paı­da­lanýǵa berilgenin aıtqymyz keledi. ­Shaǵaladaı sap túzegen mun­daı qalashyqtar jańa ataýlarǵa ıe bolyp ta úlgerdi. Taqyrypqa shyǵaryp otyrǵanymyzdaı oǵan Zelenovta Munaıshy ataýy berildi. Al oblystyń batysyndaǵy Reseı Federasııasymen shektesetin Tasqala kentinde qonys tepken qalashyqqa osy topyraqtyń tól perzenti, ómiriniń sońǵy kún­derine deıin osy óńirde turǵan, Jeńistiń 65 jyldyq merekesi qar­­­sańynda ómirden ozǵan Keńes Oda­ǵynyń Batyry Sadyq Jaq­sy­­ǵu­lovtyń esimi berildi. Beınebir ertegidegideı óte qysqa ýaqyt aralyǵynda boı kóter­gen qalashyqtar tek bir- óńkeı turǵyn úıler tizbeginen turmaıdy. Jobalaý-smetalyq qu­­jattarǵa sáıkes sonymen bir mez­­gilde saýda ortalyqtary, dá­rihana, poshta bólimsheleri, ha­lyqqa qyzmet kórsetý nysan­da­ry da irge kótergen. Atalǵan qa­lashyqtardyń saltanatty túrde ashylý rásimi kezinde Batys Qa­zaqstan oblysynyń ákimi Baq­ty­qoja Izmuhambetov óz oıyn by­laısha tarqatty: Bul Elbasymyz Nursultan Nazarbaevtyń tikeleı tapsyrmasymen Úkimettiń der kezinde kórsetken kómeginiń, barsha qa­zaqstandyqtardyń qolda­ýy­­nyń nátıjesi. Búgin oblys aý­dan­­da­ryn­da paıdalanýǵa berilgen tur­ǵyn úıler men ále­ý­met­tik-tur­mystyq nysandardyń ár­qaı­sy­syn­da árbir otandasy­myz­dyń úle­si men júrekteriniń jy­lýy bar. Syrt kóz – synshy degendeı, gazet tilshisine óz oı-pikirin Tas­qala aýdanymen kórshiles Reseı­diń Saratov oblysy, Ozınkı aý­da­ny­nyń basshysy Antonına Galıashkına tómendegishe túıindedi. – Men keńestik kezeńde bıyl­ǵy kóktemde sý tasqynyna ushy­raǵan Zelenov aýdanynda bas­shy­lyq qyzmette boldym. Sol kezdegi úlken laýazym – aýpar­t­kom­nyń birinshi hatshysy oryntaǵy maǵan senip tapsyryldy. Senim údesinen shyǵýǵa umtylyp, jas­tyq kúsh-jigerimizdi aıamaı ju­mys jasadyq. Alaıda qazirgi kezdegideı aýdandardyń qarysh­ty damýy bizdiń óńimiz túgel tú­simizge de kirmeıtin. О́zime jaq­sy tanys Tasqala jáne Zelenov aý­dandaryna tabıǵat apaty kezinde Qazaqstan Úkimeti tara­py­nan kór­­setilgen sheksiz qoldaý men kó­mekten men óz Otanymdaı bolyp ketken kórshiles mem­le­ket­tiń orasan zor áleýetin tanyp tur­ǵan­daımyn. Bul úshin árbir qazaq­standyqtyń laıyqty maq­ta­nysh sezimine bólene alatyny anyq. Árıne, kórshilerdegi jetistikterdi qyzǵanbaımyz. Oǵan qyzy­ǵa­myz. Shynyn aıtqanda, dál qazir men Zelenov pen Tas­qa­ladaǵy taqtaıdaı túzý, sáni men salta­naty kelisken kóshelerdi kó­rip erekshe tolqý ústinde tur­myn. Ja­raısyńdar, qazaqstan­dyq­tar! Munaıshy jáne Sadyq Jaq­syǵulov atyndaǵy qalashyqtar­dyń ashylý rásimi kezinde oǵan qatysqan Tótenshe jaǵdaılar mı­nıstri Vladımır Bojko Batys Qazaqstan oblystyq ishki ister departamentiniń bastyǵy, polısııa generaly Arman Jalmuh­am­betovke «Tótenshe jaǵdaılardyń aldyn alýda jáne joıýda úzdik shyqqany úshin» medalin tabys etti. Sonymen birge, mınıstr Zelenov aýdany ákiminiń oryn­ba­sa­ry Aldııar Halelov pen Tasqala aýdany ákiminiń orynbasary Qýat Mýsınge «Qutqarý opera­sııa­­laryna belsendi qatysqany úsh­in» tósbelgisin tapsyrdy. Temir QUSAIYN. Batys Qazaqstan oblysy.