Eýropanyń basty klýbtyq týrnırindegi pleı-off kezeńinde Real Madrıd pen Benfıka arasyndaǵy kezdesý janjalmen este qaldy. Match barysynda madrıdtik klýbtyń shabýylshysy Vınısıýs Jýnıor ózine qarsy aıtylǵan násilshildik sıpattaǵy sózge baılanysty tóreshige shaǵym túsirip, oıyn 10 mınýtqa toqtatyldy.
Ekinshi taımnyń basynda Vınısıýs keremet soqqymen esep ashty. Goldan keıin ol burysh jalaýshasy mańynda qýanyshyn bildirgen. Alaıda arada az ýaqyt ótken soń, brazılııalyq fýtbolshy bas tóreshi – fransııalyq Fransýa Letekse-ge júginip, «Benfıkanyń» oıynshysy Djanlýka Prestıannı ózin násildik turǵyda qorlaǵanyn málimdedi.
«Real» Holandqa kóz tigip otyr: Klýb prezıdenti «Manchester Sıtı» juldyzyn qatarǵa qosýdy qalaıdy
Tóreshi FIFA-nyń násilshildikke qarsy hattamasyna sáıkes oıyndy dereý toqtatty. Komandalar men tóreshiler arasyndaǵy talqylaýdan keıin match shamamen 10 mınýttan soń qaıta jalǵasty. Matchtyń 50-mınýtynda ıspanııalyq klýbtan Vınısıýs Jýnıor gol soqty. Osylaısha «Real Madrıd» qarsylasynan 1:0 esebimen basym tústi.
Qarymta kezdesý 25 aqpanda Madrıdtegi «Santıago Bernabeý» stadıonynda ótedi. Jalpy kezeń qorytyndysy boıynsha «Benfıka» 9 upaı jınap, týrnırlik kestede 24-orynǵa turaqtaǵan. Al madrıdtik klýb 15 upaımen 9-satydan kórindi.
