Foto: Sý resýrstary jáne ırrıgasııa mınıstrligi
О́ńirlerdegi ahýal
Sý resýrstary jáne ırrıgasııa mınıstrligi soltústik, ortalyq, batys jáne shyǵys aımaqtardaǵy sý qoımalarynda bos kólemdi qamtamasyz etý jumystaryn júrgizip jatyr. Al ońtústiktegi nysandar sý jınaý rejımine kóshti.
Qazirgi málimet boıynsha:
-
soltústiktegi iri sý qoımalary – 70%,
-
ortalyq óńirlerde – 68%,
-
batysta – 48%,
-
shyǵysta – 86% tolǵan.
Bul kórsetkishter tasqyn sýyn qaýipsiz qabyldaýǵa múmkindik beretin rezervtiń bar ekenin ańǵartady.
Shekaralas eldermen birlesken is-qımyl
Sý tasqyny qateri transshekaralyq ózenderge de baılanysty. Osyǵan oraı 2025 jyly Qazaqstan men Reseı arasynda arnaıy jumys toby quryldy. Tórtinshi otyrysqa daıyndyq barysynda aldaǵy tasqyn kezeńindegi ózara is-qımyl máseleleri talqylandy.
Reseı tarapynyń aldyn ala deregine sáıkes, tasqyn kezinde Irıkla sý qoımasynan sekýndyna 200 tekshe metrden aspaıtyn kólemde sý jiberý josparlanǵan. Jaıyq ózeni basseıni boıynsha naqty boljam naýryz aıynyń bastapqy tusynda jarııalanady.
Qytaımen transshekaralyq sýdyń sapasyn baqylaý jáne jedel aqparat almasý júıesi jumys istep tur. Ol gıdrologııalyq beketterdegi oqý-jattyǵýlar men baılanys arnalarynyń daıyndyǵyn tekserýdi qamtıdy.
Gıdrotehnıkalyq nysandar jańǵyrtylyp jatyr
Tasqynnyń aldyn alýda gıdrotehnıkalyq qurylysjaılardyń qaýipsizdigi aıryqsha mánge ıe. Bıyl 56 nysanda kópfaktorly tekserý júrgizildi.
Mınıstrlik usynymdary negizinde 39 nysanda jóndeý jumystary atqaryldy. Atap aıtqanda,
-
Abaı oblysyndaǵy Shar sý qoımasynda,
-
Shymkent qalasyndaǵy «Aqjar» sý qoımasynda,
-
Aqtóbe oblysyndaǵy «Sholaq» bógetinde kúrdeli jóndeý aıaqtaldy.
Sonymen qatar Qostanaı oblysy Stepnoe aýylyndaǵy bóget qaıta jańǵyrtyldy.
Memleket basshysynyń tapsyrmasymen 10 oblysta kommýnaldyq gıdrotehnıkalyq nysandardy basqarýǵa arnalǵan mamandandyrylǵan uıymdar quryldy. Qazir olardyń sany 16-ǵa jetip, 1193 maman 846 nysanǵa qyzmet kórsetip otyr.
О́zen arnalaryn tazartý jumystary
2025-2027 jyldarǵa arnalǵan Jol kartasy sheńberinde eldi mekender mańyndaǵy ózen ýchaskelerin qalpyna keltirý jumystary júrgizilip jatyr. Búginge deıin 166,98 shaqyrym ózen arnasy tazartylyp, tereńdetildi.
Bıyl 6 oblysta jalpy uzyndyǵy 192,55 shaqyrymdyq ózen bólikterinde sanasııa júrgizý josparlanǵan.
Sý tasqyny qaýpi: Qostanaı oblysynyń ákimi shuǵyl tapsyrma berdi
Júıeli baqylaý jalǵasady
Sý resýrstary jáne ırrıgasııa birinshi vıse-mınıstri Nurlan Aldamjarovtyń aıtýynsha, kóktemgi tasqynǵa daıyndyq keshendi túrde júzege asyrylyp jatyr. Arnaıy tehnıka men qajetti materıaldar ázirlengen, derekter almasý jolǵa qoıylǵan. Ár 10 kún saıyn sý qoımalarynyń jumys rejımi qaıta esepteledi.
Mınıstrlik sý sharýashylyǵy nysandarynyń jaǵdaıyn kún saıyn baqylap otyr. Ákimdiktermen birlese otyryp, tasqyn qaýpin azaıtý jáne halyq pen ınfraqurylym qaýipsizdigin qamtamasyz etý baǵytyndaǵy jumystar jalǵasady.
Prezıdent sý tasqyny men qurǵaqshylyq qaýpine aldyn ala daıyndalýdy tapsyrdy
