EKSPO qarsańynda týrızm mınıstrligin qurý usynylýda

EKSPO kórmesin uıymdastyrý men ótkizý jónindegi qoǵamdyq keńes Qazaqstanda týrızm máselelerimen aınalysatyn bólek memlekettik organdy qurýdy usynyp otyr. Atalǵan bastama keńestiń bir jylda atqarǵan jumystyń nátıjesi boıynsha ázirlengen on naqty usynysqa endi, dep habarlaıdy QazAqparat. «Birinshiden, týrızmdi damytý boıynsha jeke memlekettik organdy qurý qajet. Biz osyny keńinen talqylap, hattamaǵa engizgen bolatynbyz», - dedi búgingi otyrys barysynda keńes tóraǵasy Erlan Sydyqov. Osy oraıda saıasattanýshy Marat Shıbutov bólek memlekettik organnyń naqty qurylymyn kórsetip, usynysta «týrızmdi damytý komıtetin qurý qajet» dep jazýdy usyndy. Alaıda Esep komıtetiniń múshesi Serik Nógerbekov onymen kelisken joq. «Bul jerde «bólek memlekettik organdy qurý qajet» dep naqty jazylǵan. Bul, kem degende, agenttik nemese mınıstrlik. Al komıtet bólek memlekettik organǵa jatpaıdy. Ol - mınıstrlik ishindegi qurylym ǵana», - deıdi S.Nógerbekov. Aıta keteıik, búginde Qazaqstandaǵy týrızm máselelerimen QR Investısııalar jáne damý mınıstrliginiń quramyna kiretin týrızm ındýstrııasy departamenti aınalysady.