Oralda jańa gazet jaryq kórdi

Oral qalasynda «Dúrbi» atty aımaqtyq qoǵamdyq-tanymdyq táýelsiz gazettiń alǵashqy sany jaryq kórdi, dep habarlaıdy QazAqparat. Batys Qazaqstan, Aqtóbe, Atyraý jáne Mańǵystaý oblystaryna taraıtyn basylymnyń menshik ıesi – «Arýana-Jaıyq» qoǵamdyq qorynyń dırektory, gazettiń bas redaktory Uldaı Sarıeva. Onyń aıtýynsha, mundaǵy basty maqsat – din máselelerin jan-jaqty kóterý. Sonymen qatar áleýmettik túıtkilder, tarıh, ulttyq qundylyq, urpaq tárbıesi, salt-dástúr, til men dil, tylsym, jaratylys, ádebıet jáne basqa taqyryptarda synı jáne taldaý maqalalarǵa deıin basylady. Sonymen qatar, «Arýana-Jaıyq» qoǵamdyq qory túrli muqtaj jandar men jetimderge qolushyn sozý, destrýktıvtik dinı aǵymdardan zardap shekkenderge keńes berip, rýhanı jáne materıaldyq jaǵynan qoldaý kórsetý, qyz-kelinshekter úshin jumys kózin ashý jáne basqa baǵyttarda jumys isteıdi.