Qazaqstanda nesıe kartalarynyń úlesi 2,6 esege artqan

2016 jyly karta naryǵy júıeli túrde ózgergen. Alǵash ret naryqtaǵy nesıe kartasynyń úlesi 5-6%-ǵa artyp, birden 13%-dy qurady. Bul týraly ranking.kz silteme jasap 7kun.kz habarlady. Qoldanylǵan nesıe kartalary sany bir jylda birden 2,6 esege ósip, mıllıonnan asty. Qarasha aıyndaǵy nátıje boıynsha naryqta belsendi túrde qoldanylǵan kartalardyń sany 1,08 mıllıonnan asqan. Osylaısha, banktik kartalar naryǵynda nesıe kartalarynyń úlesi basym. Sondaı-aq, tıimdi cash-back, karta arqyly usynylatyn nesıelik satyp alýlar jáne eshqandaı aldyn ala tólem jasamaı taýar satyp alý sııaqty qyzmetter boıynsha nesıelik kartany qoldanatyndardyń sanyny artqan. Budan bólek, nesıe kartalary arasynda Visa halyqaralyq júıesin paıdalanǵandardyń úlesi basym (birden 16,3%-ǵa deıin ósken). Bir jyl ishinde qoldanylǵan Visa kartasynyń sany 2,6 esege ósip, 939 myńnan asty. MasterCard júıesinde paıdalanylǵan nesıe kartalarynyń úlesi 8% nemese sany shamamen 3 esege artyp, qarasha aıynda 122,9 myńǵa jýyqtady. Qarasha aıynyń nátıjesi boıynsha nesıe kartasyn eńbekke qabiletti árbir segizinshi qazaqstandyq paıdalanady.