Astana kóshelerin tazalý úshin kommýnaldyq tehnıkalar satyp alyndy

Astananyń kóshelerin tazalaý úshin zamanaýı kommýnaldyq tehnıka satyp alyndy, dep habarlady elorda ákimdigi. Kóp uzamaı jańa tehnıka qalany tazartý jumystaryna shyǵarylady. Atap aıtqanda, kósheler men magıstraldardyń júretin bóligindegi qardy tazalaý úshin tórt qar tazartýshy frontaldy tıegish satyp alyndy. Onda barlyq kórsetkishterin kórsetip turatyn suıyq krıstaldy dıspleı bar. Sonymen qatar, 12 kommýnaldyq shaǵyn traktor da alyndy. Ol tıisti jumystardy oryndaý barysynda jol jabynyn buzýǵa jol bermeıdi. Budan basqa, kommýnaldyq qyzmetterdiń tehnıkasy barlyq maýsymda qoldanylatyn 2 mehanıkalyq sypyrǵysh mashınalarmen tolyqty. Bul mashına kóshelerdi sypyrý kezinde sýdy qajet etpeıdi. Nátıjesinde, kóktemde kóshe tazalaýǵa jumsalatyn ýaqyt pen shyǵyn aıtarlyqtaı qysqarady. «Voterles Pelıkan» tehnıkasy da biregeı múmkindikterge ıe. Ol joldarda biraz ýaqyttan beri jatqan qumdy, tuzdy, muzdy, qoqysty jınaıdy. Sondaı-aq, quramdastyrylǵan arnajýǵysh mashına da satyp alyndy, 10 kóliktiń sýarý-jýý jıyntyǵynda soqa men shetka qondyrǵysy bar, sondaı-aq soqa, shetka jáne úlestirý quraly bar 12 mashına elorda kóshelerin tazalaýǵa shyǵaryltyn bolady