Qazaqstan Respýblıkasy Úkimetiniń qaýlysy №738

2011 jylǵy 30 maýsym,   Astana, Úkimet úıi «Ishki saýda erejesin bekitý týraly» Qazaqstan Respýblıkasy Úkimetiniń 2005 jylǵy 21 sáýirdegi № 371 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Ishki saýda erejesin bekitý týraly» Qazaqstan Respýblıkasy Úkimetiniń 2005 jylǵy 21 sáýirdegi № 371 qaýlysyna (Qazaqstan Respýblıkasynyń PÚAJ-y, 2005 j., № 18, 208-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen Ishki saýda erejesine: 3-tarmaqta: 28) tarmaqsha mynadaı redaksııada jazylsyn: «28) saýda qyzmetin retteý salasyndaǵy ýákiletti organ – saýda qyzmeti salasynda memlekettik retteýdi jáne úılestirýdi júzege asyratyn ortalyq atqarýshy organ;», mynadaı mazmundaǵy 29), 30), 31), 32) jáne 33) tarmaqshalarmen tolyqtyrylsyn: «29) qoǵamdyq tamaqtandyrý – tamaq ónimderin óndirýmen, qaıta óndeýmen, satýmen jáne tutynýdy uıymdastyrýmen baılanysty kásipkerlik qyzmet; 30) meıramhana – tutynýshylarǵa mindetti túrde daıashylar qyzmet kórsetetin, tapsyrystyq jáne fırmalyk taǵamdardy qosa alǵanda, daıyndalýy kúrdeli astyń túr-túrin, sondaı-aq alkogol ónimderin usynatyn qoǵamdyq tamaqtandyrý jáne demalys obektisi; 31) dámhana – tutynýshylarǵa mindetti túrde daıashylar qyzmet kórsetetin, daıyndalýy kúrdeli emes astyń túr-túrin, sondaı-aq alkogol ónimderin usynatyn qoǵamdyq tamaqtandyrý jáne demalys obektisi; 32) bar – tutynýshylarǵa tiske basar, desert jáne kondıterlik taǵamdar, sondaı-aq alkogol ónimderin usynatyn qoǵamdyq tamaqtandyrý jáne demalys obektisi; 33) ashana – tutynýshylar derbes qyzmet kórsetetin qoǵamdyq tamaqtandyrý obektisi.»; 3-bólim mynadaı mazmundaǵy 2-1-paragrafpen tolyqtyrylsyn: «Paragraf 2-1. Meıramhana, dámhana, bar, ashana sanattary boıynsha qoǵamdyq tamaqtandyrý obektileriniń qyzmetin júzege asyrýǵa qoıylatyn jalpy talaptar. 37-1. Qoǵamdyq tamaqtandyrý obektilerinde (meıramhanalarda, dámhanalarda, barlarda, ashanalarda) tutynýshylardyń ómiri men densaýlyǵynyń qaýipsizdigi, olardyń múlkiniń saqtalýy qamtamasyz etilýi tıis. 37-2. Qoǵamdyq tamaqtandyrý obektilerin (meıramhanalardy, dámhanalardy, barlardy, asha-nalardy) ornalastyrýǵa, jer ýchaskelerin berýge, salý men qaıta jańartýǵa arnalǵan jobalyq qujat­tamany bekitýge, paıdalanýǵa berýge sanıtarlyq-epıdemıologııalyq qorytyndy bolǵan jaǵdaıda ruqsat etiledi. 37-3. Qoǵamdyq tamaqtandyrý obektileri (meıramhanalar, dámhanalar, barlar, ashanalar) ǵımarattarynyń sáýlet-josparlaý sheshimderi men syndarly elementteri jáne paıdalanylatyn tehnıkalyq jabdyq sáýlet, qala qurylysy jáne qurylys salasyndaǵy memlekettik normatıvtik qujattarǵa, sondaı-aq Qazaqstan Respýblıkasy aýmaǵynda qoldanystaǵy Tehnıkalyq reglamentterge sáıkes kelýi tıis. 37-4. Qoǵamdyq tamaqtandyrý obektilerin (meıramhanalardy, dámhanalardy, barlardy, ashanalardy) jeke turǵan jáne japsarlas salynǵan ǵımarattarda, qoǵamdyq ǵımarattarǵa irgeles salynǵan úı-jaılarda, ǵımarattardyń birinshi jáne odan tómengi qabattarynda ornalastyrýǵa, sondaı-aq ónerkásiptik obektilerdiń aýmaqtarynda ornalastyrýǵa ruqsat beriledi. Turǵyn úı maqsatyndaǵy ǵımarattarda oryndar sany jáne oryn-jaılar kólemi shektelgen, qoǵamdyq tamaqtandyrýdyń irgeles-japsarlas salynǵan obektilerinde ornalastyrýǵa ruqsat etiledi. 37-5. Turǵyn úı ǵımarattarynda ornalasqan qoǵamdyq tamaqtandyrý obektileriniń (meıramhanalardyń, dámhanalardyń, barlardyń, ashanalardyń) ǵımarattyń turǵyn úı bóliginen oqshaýlanǵan kirý jáne kóshýdiń shyǵý esikteri bolýy tıis. Azyq-túlik shıkizatyn jáne taǵam ónimderin turǵyn úıdiń aýla jaǵynan qabyldaýǵa jol berilmeıdi. Júk tıeýdi turǵyn úıdiń terezeleri joq búıir jaǵynan, arnaıy júk tıeıtin úı-jaılar bolǵan jaǵdaıda magıstraldar jaǵynan jer asty týnnelderinen oryndaý qajet. О́nimdiligi shaǵyn obektiler úshin onyń jumysy bastalǵanǵa deıin negizgi kirer esik jaǵynan júk tıeýge ruqsat etiledi. 37-6. Qoǵamdyq tamaqtandyrý obektilerin (meıramhanalardy, dámhanalardy, barlardy, ashanalardy) turǵyn úı ǵımarattarynda ornalastyrǵan kezde olardyń úı-jaılary shý, diril deńgeıi jáne dybysty oqshaýlaý talaptary boıynsha sáýlet, qala qurylysy jáne qurylys salasyndaǵy memlekettik normatıvtik qujattarǵa sáıkes kelýi tıis. 37-7. Qoǵamdyq tamaqtandyrý obektileriniń (meıramhanalardyń, dámhanalardyń, barlardyń, ashanalardyń) jazǵy alańdaryn turǵyn úı ǵımarattarynyń birinshi qabaty terezeleriniń aldyna jáne trotýarlarǵa ornalastyrýǵa, sondaı-aq tamaq daıyndaıtyn tehnologııalyq jabdyq pen dybys shyǵaratyn apparatýrany ornatýǵa jol berilmeıdi. 37-8. Qoǵamdyq tamaqtandyrý obektilerinde (meıramhanalarda, dámhanalarda, barlarda, ashanalarda) qoǵamdyq tamaqtandyrýmen baılanysty emes turýǵa, jumystar men qyzmetter kórse­týge arnalǵan úı-jaılardy ornalastyrýǵa, sondaı-aq janýarlar men qustar ustaýǵa ruqsat etilmeıdi. 37-9. Qoǵamdyq tamaqtandyrý obektilerinde (meıramhanalarda, dámhanalarda, barlarda, ashanalarda) avarııalyq shyǵý joldary, satylar, avarııalyq jaǵdaıdaǵy is-qımyldar týraly nusqaýlyqtar kózdelgen, kórinetin jerlerde órt jaǵdaıy kezinde adamdardy kóshirý josparlary (shemalar), sondaı-aq tutynýshylardyń qalypty jaǵdaıda da tótenshe jaǵdaılarda da erkin baǵdar alýyn qamtamasyz etetin, jaqsy kórinetin aqparattyq nusqaýlar ilinedi. 37-10. Qoǵamdyq tamaqtandyrý obektileri (meıramhanalar, dámhanalar, barlar, ashanalar) bastapqy órt sóndirý quraldarynyń qajetti sanyn anyqtaýǵa sáıkes jaramdy bastapqy órt sóndirý quraldarymen qamtamasyz etilýge jáne avtomatty órt sıgnalyn berý jáne qoldanystaǵy normalarǵa sáıkes adamdarǵa órt týraly habarlaý júıesimen jabdyqtalýy, ınjenerlik júıelermen jáne jaılylyqtyń qajetti deńgeıin qamtamasyz etetin jabdyqtarmen jaraqtalýǵa, onyń ishinde jasandy jáne tabıǵı jaryqtary, ystyq jáne sýyq sýmen, kárizben jabdyqtaý, jylytý, jeldetý júıeleri, telefon baılanysy bolýy tıis. 37-11. Salynyp jáne qaıta jańartylyp jatqan qoǵamdyq tamaqtandyrý obektilerinde (meıramhanalarda, dámhanalarda, barlarda, ashanalarda) múgedekterge qyzmet kórsetý úshin sáýlet, qala qurylysy jáne qurylys salasyndaǵy memlekettik normatıvtik qujattardyń qoldanystaǵy talaptaryna sáıkes múgedekterdiń arbalary júrip ótý úshin kirý esikterinde eńis pandýstar, lıftiler, zaldarda múgedekterdiń arbalary aınalyp burylýy úshin alańdar, arnaıy jabdyqtalǵan dárethana bólmesi kózdelýi tıis. 37-12. Qoǵamdyq tamaqtandyrý obektilerinde (meıramhanalarda, dámhanalarda, barlarda, ashanalarda) qyzmet kórsetiletin kontıngenttiń ereksheligine sáıkes arnaıy qyzmet kórsetý aımaqtary kózdelýi múmkin, mysaly dıetalyq, emdeý-saýyqtyrý, balalar tamaǵy. 37-13. О́ndiristik úı-jaılardy ornalastyrý jáne osy úı-jaılardaǵy jabdyqtar ónimdi óndirý men satýdyń tehnologııalyq úderisteriniń dáıektiligin (aǵymyn), sondaı-aq sanıtarlyq erejelerdiń tehnologııalyq jobalaý normalarynyń saqtalýyn qamtamasyz etýi tıis. 37-14. Qoǵamdyq tamaqtandyrý obektileriniń (meıramhanalardyń, dámhanalardyń, barlardyń, ashanalardyń) aýmaǵy abattandyrylýy, taza ustalýy tıis, onda kólikti ýaqytsha qoıýǵa arnalǵan alańdar, qoqys jınaý úshin qaqpaǵy bar konteınerler ornatýǵa arnalǵan asfalttalǵan nemese betondalǵan alań kózdelýi tıis. Qoqys jınaý alańy obektilerden jáne turǵyn úılerdiń terezeleri men esikterinen keminde 25 metr qashyqtyqta ornalastyrylady.»; 56, 57, 58, 59,60, 61 jáne 66-tarmaqtar alyp tastalsyn; 62-tarmaq mynadaı redaksııada jazylsyn: «62) Saýda qyzmetiniń sýbektileri, eger osy Erejede ózgeshe kózdelmese, óz qyzmetin qoǵamdyq tamaqtandyrý obektisiniń saýda zaldarynda da, olardan tysqary jerlerde de júzege asyrady. Qoǵamdyq tamaqtandyrý obektisiniń úı-jaılary Qazaqstan Respýblıkasynyń zańnamasynda belgilengen normalar men erejelerge sáıkes ornalasady jáne jabdyqtalady.». 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri            K.MÁSIMOV.