Qazaqstan Respýblıkasy Úkimetiniń qaýlysy №754

2011 jylǵy 1 shilde, Astana, Úkimet úıi «Sýdyń jaı-kúıine áser etetin kásiporyndar men basqa da qurylystardy kelisý, olardy ornalastyrý jáne paıdalanýǵa berý erejesin, sondaı-aq sý obektilerinde, sý qorǵaý aımaqtary men beldeýlerinde qurylys jáne basqa da jumystar júrgizý sharttaryn bekitý týraly» Qazaqstan Respýblıkasy Úkimetiniń 2004 jylǵy 3 aqpandaǵy № 130 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Sýdyń jaı-kúıine áser etetin kásiporyndar men basqa da qurylystardy kelisý, olardy ornalastyrý jáne paıdalanýǵa berý erejesin, sondaı-aq sý obektilerinde, sý qorǵaý aımaqtary men beldeýlerinde qurylys jáne basqa da jumystar júrgizý sharttaryn bekitý týraly» Qazaqstan Respýblıkasy Úkimetiniń 2004 jylǵy 3 aqpandaǵy № 130 qaýlysyna (Qazaqstan Respýblıkasynyń PÚAJ-y, 2004 j., № 5, 73-qujat) mynadaı ózgerister engizilsin: kórsetilgen qaýlymen bekitilgen Sýdyń jaı-kúıine áser etetin kásiporyndar men basqa da qurylys­tardy kelisý, olardy ornalastyrý jáne paıdalanýǵa berý erejesinde, sondaı-aq sý obektilerinde, sý qorǵaý aımaqtary men beldeýlerinde qurylys jáne basqa da jumystar júrgizý sharttarynda: 7-tarmaq mynadaı redaksııada jazylsyn: «7. Osy Erejeniń 6-tarmaǵynda kózdelgen kásiporyndar men qurylystardy ornalastyrý jáne salý jobalaryn kelisý rásimin memlekettik organdar, eger Qazaqstan Respýblıkasynyń zańnamasynda ózge merzim belgilenbese, olarǵa jobalyq qujattama usynylgannan keıingi on jumys kúni ishinde júzege asyrady.»; 18-tarmaq mynadaı redaksııada jazylsyn: «18. Sý obektilerindegi, sý qorǵaý aımaqtary men beldeýlerindegi qurylys jáne basqa da jumystar sharttaryn kelisý rásimin tıisti memlekettik organdar ótinish berýshi olarǵa qajetti qujattardy usynǵannan keıin on jumys kúni ishinde júzege asyrady.». 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri        K.MÁSIMOV.