Qazaqstan Respýblıkasy Úkimetiniń qaýlysy №765

2011 jylǵy 2 shilde,   Astana, Úkimet Úıi Kemelerdiń, saldardyń jáne ózge de júzý obektileriniń aılaqqa kelýine, arqandap baılanýyna jáne toqtap turýyna arnalǵan ýaqytsha qurylǵylar men júzbeli qurylystardy ornalastyrý, jolaýshylardy kemelerge otyrǵyzý jáne kemelerden túsirý, júkterdi tıeý, túsirý jáne saqtaý qaǵıdasyn bekitý týraly «Ishki sý kóligi týraly» Qazaqstan Respýblıkasynyń 2004 jylǵy 6 shildedegi Zańynyń 8-babynyń 18) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Kemelerdiń, saldardyń jáne ózge de júzý obektileriniń aılaqqa kelýine, arqandap baılanýyna jáne toqtap turýyna arnalǵan ýaqytsha qurylǵylar men júzbeli qurylystardy ornalastyrý, jolaýshylardy kemelerge otyrǵyzý jáne kemelerden túsirý, júkterdi tıeý, túsirý jáne saqtaý qaǵıdasy bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri  K.MÁSIMOV. Qazaqstan Respýblıkasy Úkimetiniń 2011 jylǵy 2 shildedegi №765 qaýlysymen bekitilgen Kemelerdiń, saldardyń jáne ózge de júzý obektileriniń aılaqqa kelýine, arqandap baılanýyna jáne toqtap turýyna arnalǵan ýaqytsha qurylǵylar men júzbeli qurylystardy ornalastyrý, jolaýshylardy kemelerge otyrǵyzý jáne kemelerden túsirý,  júkterdi tıeý,  túsirý jáne saqtaý qaǵıdasy 1. Jalpy erejeler 1. Kemelerdiń, saldardyń jáne ózge de júzý obektileriniń aılaqqa kelýine, arqandap baılanýy­na jáne toqtap turýyna arnalǵan ýaqytsha qurylǵylar men júzbeli qurylystardy ornalastyrý, jolaýshylardy kemelerge otyrǵyzý jáne kemelerden túsirý, júkterdi tıeý, túsirý jáne saqtaý qaǵıdasy (budan ári – Qaǵıda) «Ishki sý kóligi týraly» Qazaqstan Respýblıkasynyń 2004 jylǵy 6 shildedegi Zańynyń (budan ári – Zań) 8-babynyń 18) tarmaqshasyna sáıkes ázirlendi. 2. Qaǵıda Kemelerdiń, saldardyń jáne ózge de júzý obektileriniń aılaqqa kelýine, arqandap baılanýyna jáne toqtap turýyna arnalǵan ýaqytsha qurylǵylar men júzbeli qurylystarǵa, jolaýshylardy kemelerge otyrǵyzýǵa jáne kemelerden túsirýge, júkterdi tıeýge, túsirýge jáne saqtaýǵa qoıylatyn talaptardy belgileıdi. 3. Qaǵıda Qazaqstan Respýblıkasynyń ishki sý joldarynda qyzmetin júzege asyratyn jeke jáne zańdy tulǵalarǵa qoldanylady. 4. Qaǵıdada mynadaı negizgi uǵymdar paıdalanylady: 1) ýaqytsha qurylǵylar jáne júzbeli qurylystar (budan ári – qurylystar) – kemelerdiń qaýipsiz toqtap turýyna, júkti óńdeýge jáne qyzmet kórsetýge arnalǵan, porttyń nemese aılaqtyń quramyndaǵy ýaqytsha ınjenerlik gıdrotehnıkalyq qurylys (debarkaderler, aılaqtyq pontondar, júzbeli: qonaq úı, jataqhana, demalys úıi, meıramhana, sheberhanalar); 2) arqandap baılaý – kemeniń aılaqqa, pırske nemese basqa kemelerge jaqyndap kelýi jáne bekitilýi boıynsha is-qımyldar. 2. Kemelerdiń, saldardyń jáne ózge de júzý obektilerdiń aılaqqa kelýine, arqandap baılanýyna jáne toqtap turýyna arnalǵan ýaqytsha qurylǵylar men júzbeli qurylystardy ornalastyrý, jolaýshylardy kemelerge otyrǵyzý jáne kemelerden túsirý, júkterdi tıeý, túsirý jáne saqtaý tártibi 5. Qurylystar tasymaldardyń tranzıttik, aralyq jáne sońǵy pýnktterinde ornatylady. 6. Qurylystar jaǵalaýǵa kemelerge, saldarǵa jáne ózge de júzý obektilerine, sondaı-aq jolaýshylarǵa, júkter men bagajdy men bagajdy túsirip, tıeýdi kezinde qamtamasyz etetindeı túrde qaýipsiz qyzmet kórsetýdi arqandap baılanady. 7. Qurylystardy ornatý Qazaqstan Respýblıkasy Kólik jáne kommýnıkasııa mınıstrligi Kóliktik baqylaý komıtetiniń aýmaqtyq bólimshesiniń ruqsaty boıynsha júzege asyrylady. 8. Ruqsat ıesiniń mynadaı qujattar qosa berilgen ótinimi negizinde beriledi: 1) erkin nysandaǵy ótinish; 2) jeke tulǵa úshin – jeke basyn kýálandyratyn qujat nemese ókildiń ókilettigin rastaıtyn qujattar jáne onyń jeke basyn kýálandyratyn qujat; 3) zańdy tulǵalar úshin – zańdy tulǵany tirkeý (qaıta tirkeý) týraly kýálik: 4) kútý reıdteriniń ornyn jáne kemelerdiń aınalymyn qurylysty kórsete otyryp, ornalasý jerine baılanystyra otyryp, ornatý ornynyń shemasy; 5) navıgasııalyq belgilerdi ornalastyrý shemasyna ózgerister men tolyqtyrýlar; 6) eger qurylys Zańǵa sáıkes keme bolyp eseptelgen jaǵdaıda, keme qujattarynyń kóshirmeleri (synyptaý kýáligi, keme kýáligi, kemeniń júzýge jaramdylyǵy týraly kýálik, jolaýshy kýáligi (jolaýshy kemeleri úshin). 9. Ruqsat ótinim alynǵan kúnnen bastap kúntizbelik on kúnnen keshiktirmeı beriledi. Mynadaı jaǵdaılarda: 1) osy Qaǵıdanyń 8-tarmaǵynda kórsetilgen qujattardyń málimetteri jáne kóshirmeleri tolyq kólemde usynylmasa; 2) eger ruqsat alýǵa arnalǵan ótinimmen tıisti emes tulǵa júginse; 3) ótinimde kórsetilgen málimetter durys bolmasa; 4) tazartyp óshirý nemese qosyp jazý, sózderdiń óshirilýi jáne onda aıtylmaǵan túzetýler, qaryn­dash­pen jazylǵan qujattar, sondaı-aq olardyń mazmuny túsinikti emes búlingen qujattar bar bolsa; 5) eger de qurylys Zańǵa sáıkes keme bolyp eseptelgen jaǵdaıda, keme qujattarynyń qoldanys merzimderi jáne kemeni jyl saıynǵy tehnıkalyq kýálandyrý merzimderi aıaqtalsa, ruqsat berýden bas tartylady. 10. Jolaýshylarǵa qyzmet kórsetý úshin qurylystar: 1) qutqarý, sıgnal berý jáne órtke qarsy quraldarmen; 2) tirkep súıreý knehtalarymen, kemeniń aldyńǵy jáne artqy jaǵy úshin arqandap baılaý quraldarymen jáne jaǵalaý jaqtan tirek quraldarymen; 3) eni kemeden qurylysqa keminde 1 metr jáne qurylystan jaǵalaýǵa keminde 2 metr ortasha shybyǵy bar, bıiktigi 110 santımetr tutqalarmen qorshalǵan berik jáne qaýipsiz basqyshtar; 4) múgedekter arbashasyndaǵy múgedekterdi otyrǵyzýǵa jáne túsirýge arnalǵan quraldar; 5) qurylys korpýsynda teplohodtyń otyrǵyzý alańy deńgeıinde ornatylǵan otyrǵyzý alańy, teplohodtyń negizgi palýbasy deńgeıinde otyrǵyzý estakadasymen. Kez kelgen jaǵdaıda traptyń kókjıekke kólbeý buryshy 30 gradýstan aspaıdy; 6) jerge tuıyqtaǵysh qurylǵymen jabdyqtalady. 11. Jolaýshy úı-jaılary bar debarkaderleri bolmaǵan eldi mekenderde pavılondar, al qala mańyndaǵy jeliler men ótkelderde oryndyqtary bar shatyrly qalqalar salynady. Bul rette osyndaı pavılondardyń ıeleri jolaýshylardyń qaýipsizdigi maqsatynda jolaýshylardy otyrǵyzý jáne túsirý oryndaryn qajetti qurylǵylarmen jabdyqtaıdy. 12. Qurylystarǵa kireberis joldar jıektemesi, qarsy keletin avtokóliktiń júrip ótýi úshin júrý bóliginiń jetkilikti eni bar qatty jabynmen, avtokólik turýǵa arnalǵan orynmen, perımetri boıynsha jaryqtandyrýmen, qoqysty jınaý ornymen, al jolaýshylar porttarynda (jolaýshy aınalymy kúnine 300-den astam adam) qosymsha – sý qubyrymen jáne kárizben jabdyqtalady. 13. Aılaqtyq jaqtaý pontondary jolaýshylardy otyrǵyzý jáne túsirý kezinde kemelerdi qaýipsiz arqandap baılaý úshin tereń jerlerinde ornatylady. 14. Júk-jolaýshy qurylystary qaıta tıeý jumystary úshin qurylǵylarmen, júk pen bagajdy ýaqytsha saqtaý úshin qoıma alańdarymen, júkter úshin jabyq úı-jaılarmen jabdyqtalady. 15. Tıeý-túsirý jumystary pýnktterinde jaǵalaý men keme arasynda júzbeli pontondar qoldanylady. Bul jaǵdaıda tıeý mehanızmi jaǵalaýda nemese tikeleı kemede ornalastyrylady. 16. Munaı quıý júkterin tıeý-túsirý jumystary úshin sorǵylar ornatylǵan qurylystar turǵyn úı men óndiristik ǵımarattardan, tıeýdiń jalpy oryndarynan jáne kemelerdiń turaǵynan keminde 250 metr qashyqtyqta eldi mekenderden tómen ornalasady.