Qazaqstan Respýblıkasy Úkimetiniń qaýlysy №862

Qazaqstan Respýblıkasy Úkimetiniń 2016 jylǵy 27 jeltoqsandaǵy №862 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister 1. «Áleýmettik aýdarymdardy esepteý jáne aýdarý erejesin bekitý týraly» Qazaqstan Respýblıkasy Úkimetiniń 2004 jylǵy 21 maýsymdaǵy №683 qaýlysynda (Qazaqstan Respýblıkasynyń PÚAJ-y, 2004 j., № 25, 323-qujat): kórsetilgen qaýlymen bekitilgen Áleýmet­tik aýda­rymdardy esepteý jáne aýdarý ere­je­sinde: 3-tarmaqtyń ekinshi bóligi mynadaı redaksııada jazylsyn: «О́zin ózi jumyspen qamtyǵan adamdar úshin olardyń alatyn tabysy áleýmettik aýdarymdardy esepteý obektisi bolyp tabylady. Bul rette ózin ózi jumyspen qamtyǵan adam­nyń alatyn tabysy «Mindetti áleý­mettik saqtandyrý týraly» Qazaqstan Respýb­lıkasynyń Zańy 15-babynyń 2-tarmaǵynda belgilengen mólsherler sheginde, biraq Salyq kodeksine sáıkes salyq salý maqsatynda aıqyndalatyn tabystan aspaıtyn óz paıdasyna áleýmettik aýdarymdar esepteý maqsatynda ózderi derbes aıqyndaıtyn soma bolyp tabylady.»; 7-tarmaqtyń ekinshi bóligi mynadaı redaksııada jazylsyn: «Tóleýshilerdiń bankterge jáne bank operasııalarynyń jekelegen túrlerin júzege asyratyn uıymdarǵa (budan ári – bankter) áleýmettik aýdarymdardy qolma-qol aqsha nysa­nynda engizýi «Tólemder jáne tólem júıe­leri týraly» Qazaqstan Respýblı­kasy­nyń Zańynda belgilengen tártippen júzege asyrylady.»; 10-tarmaqtyń ekinshi bóligi alyp tastalsyn; 25-tarmaq mynadaı redaksııada jazylsyn: «25. Tóleýshige qyzmet kórsetetin bank elektrondyq tólem tapsyrmalaryn resimdeý kezinde qate jibergen jaǵdaıda, bank «Tó­lemder jáne tólem júıeleri týraly» Qazaq­stan Respýblıkasynyń Zańyna sáıkes jibe­rilgen qatelerdi túzetý jóninde sharalar qabyldaıdy.». 2. «Biryńǵaı jınaqtaýshy zeınetaqy qory­nan tólenetin mindetti zeınetaqy jarnalary, mindetti kásiptik zeınetaqy jarnalary esebinen qalyptasqan zeınetaqy jınaqtarynan zeınetaqy tólemderin júze­ge asyrý qaǵıda­laryn jáne zeınetaqy tólem­deriniń mólsherin esepteýdi júzege asyrý ádistemesin bekitý týraly» Qazaqstan Respýb­lıkasy Úkimetiniń 2013 jylǵy 2 qazan­daǵy №1042 qaýlysynda (Qazaqstan Respýb­­lı­kasynyń PÚAJ-y, 2013 j., №58, 791-qujat): kórsetilgen qaýlymen bekitilgen Biryńǵaı jınaqtaýshy zeınetaqy qorynan tólenetin mindetti zeınetaqy jarnalary, mindetti kásiptik zeınetaqy jarnalary esebinen qalyptasqan zeınetaqy jınaqtarynan zeınet­aqy tólemderin júzege asyrý qaǵıda­larynda: 8-tarmaq mynadaı redaksııada jazylsyn: «8. Qazaqstan Respýblıkasynan tys jerlerge turaqty turýǵa ketken zeınetaqy jınaq­tary bar sheteldikter men azamattyǵy joq adamdar ózderi ótinish jasaǵan kezde BJZQ-ǵa: 1) ótinish; 2) eger Qazaqstan Respýblıkasy ratıfı­kasııalaǵan halyqaralyq sharttarda ózgeshe kózdelmese, sheteldik pasporttyń kóshirmesin jáne salystyryp tekserý úshin túpnusqasyn; 3) alýshynyń bank shoty týraly málimet­terdi usynady. Joǵaryda kórsetilgen qujattardy alǵan kezde BJZQ Qazaqstan Respýblıkasynyń memlekettik organdarynyń aqparattyq júıe­lerinen ótinish jasaǵan sheteldikte nemese azamattyǵy joq adamda Qazaqstan Respýb­lıkasynyń ýákiletti organy bergen Qazaqstan Respýblıkasy azamatynyń jeke kýáligi ne sheteldiktiń Qazaqstan Respýblıkasynda turýǵa yqtııarhatynyń ne azamattyǵy joq adamnyń kýáliginiń bar-joǵy jáne onyń jaramdylyǵy týraly málimetterdi suratady. О́tinish jasaǵan sheteldiktiń nemese azamat­tyǵy joq adamnyń Qazaqstan Respýb­lıkasynan tys jerlerge turaqty turýǵa ketýine baılanysty Qazaqstan Respýb­lıkasynyń ýákiletti organy bergen Qazaqstan Respýblıkasy azamatynyń jeke kýáliginiń ne sheteldiktiń Qazaqstan Respýb­lıkasynda turýǵa yqtııarhatynyń ne azamattyǵy joq adamnyń kýáliginiń jaram­syzdyǵy týraly málimetter alynǵan jaǵdaıda BJZQ osy Qaǵıdalardyń 19-tar­maǵynda belgilengen merzimderde zeınetaqy tólemin júzege asyrady. Qazaqstan Respýblıkasynyń ýákiletti organy bergen Qazaqstan Respýblıkasy azamatynyń jeke kýáliginiń ne sheteldiktiń Qazaqstan Respýblıkasynda turýǵa yqtııar­hatynyń ne azamattyǵy joq adamnyń kýáliginiń bar ekendigi jáne onyń jaramdy­lyǵy týraly málimetter alynǵan, sondaı-aq ótinish jasaǵan sheteldiktiń nemese azamattyǵy joq adamnyń Qazaqstan Respýb­lı­kasynan tys jerlerge turaqty turýǵa ketkeni týraly málimetter bolmaǵan jaǵdaıda BJZQ ótinishti osy Qaǵıdalardyń 18-tarmaǵynda belgilengen merzimderde ony qabyldaýdan ne oryndaýdan bas tartady.». 3. «Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne biryńǵaı jınaqtaýshy zeınetaqy qoryna aýdarý jáne olar boıynsha óndirip alý qaǵıdalary men merzimderin bekitý týraly» Qazaqstan Respýblıkasy Úkimetiniń 2013 jylǵy 18 qazandaǵy №1116 qaýlysynda (Qazaqstan Respýblıkasynyń PÚAJ-y, 2013 j., №60, 828-qujat): kórsetilgen qaýlymen bekitilgen Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne biryńǵaı jınaqtaýshy zeınetaqy qoryna aýdarý jáne olar boıynsha óndirip alý qaǵıdalary men merzimderinde: 5-tarmaqtyń 3) tarmaqshasy mynadaı redaksııada jazylsyn: «3) advokattar, jeke sot oryndaýshylary, jeke notarıýstar, kásibı medıatorlar, sondaı-aq dara kásipkerler úshin – alatyn tabysy. Bul rette mindetti zeınetaqy jarnalaryn esepteý maqsattary úshin advokattar, jeke sot oryndaýshylary, jeke notarıýstar, kásibı medıatorlar, sondaı-aq dara kásipkerler úshin alynatyn tabys Zańnyń 25-babynyń 4-tarmaǵynda belgilengen mólsherler shegin­de, biraq Salyq kodeksine sáıkes salyq salý maqsattary úshin aıqyndalatyn tabystan aspaıtyn, olar derbes aıqyndaıtyn soma bolyp tabylady. Tabys bolmaǵan jaǵdaıda advokattar, jeke sot oryndaýshylary, jeke notarıýs­tar, kásibı medıatorlar, sondaı-aq dara kásipkerler respýblıkalyq bıýdjet týraly zańda tıisti qarjy jylyna belgilengen eń tómengi jalaqy mólsherinen 10 paıyz esebinde BJZQ-ǵa óziniń paıdasyna mindetti zeınetaqy jarnalaryn tóleýge quqyly;»; 8-tarmaq mynadaı redaksııada jazylsyn: «8. Eger osy tarmaqtyń ekinshi bóliginde ózgeshe kózdelmese, agent mindetti zeınetaqy jarnalaryn aýdarýdy qolma-qol aqshasyz tólemder arqyly júrgizedi. Bankterde jáne bank operasııalarynyń jekelegen túrlerin júzege asyratyn uıymdarda (budan ári – bankter) shottary joq advokattar, jeke sot oryndaýshylary, jeke notarıýstar, kásibı medıatorlar, sondaı-aq dara kásipkerler osy Qaǵıdalardyń 9-tarmaǵynda aıqyndalǵan tártippen mindetti zeınetaqy jarnalaryn keıinnen BJZQ-ǵa aýdarý úshin olardy bankke qolma-qol aqshamen engizedi. Mindetti zeınetaqy jarnalaryn qolma-qol aqshamen ne qolma-qol emes tásil­men tóleý bankter arqyly «Tólemder jáne tólem júıeleri týraly» Qazaqstan Respýb­lıkasynyń Zańynda aıqyndalǵan tártippen júzege asyrylady.»; 12-tarmaq mynadaı redaksııada jazylsyn: «12. Mindetti zeınetaqy jarnalaryn Memle­kettik korporasııaǵa aýdarǵan kezde agent úsh danada qaǵaz jetkizgishtegi tólem tapsyrmasyn jáne eki danada jeke tulǵa­lardyń tizimin bankke usynady. Tólem tapsyrmasynyń birinshi danasy men tizimniń birinshi danasy bankte qalady, tólem tapsyr­malarynyń ekinshi jáne úshinshi danalary men tizimniń bir danasy banktiń qabyldaǵany týraly belgimen agentke qaıtarylady. Jeke tulǵalardyń tizimi árbir jeke tulǵa boıynsha: jeke sáıkestendirý nómirin (budan ári - JSN), tegin, atyn, ákesiniń atyn (bar bolsa), týǵan kúnin, jarna somasyn jáne mindetti zeınetaqy jarnalary aýdarylatyn kezeńdi (aıdy, jyldy) qamtıdy. Arnaıy salyq rejımin qoldanatyn agentter, sharýa nemese fermer qojalyqtary mindetti zeınetaqy jarnalaryn Memlekettik korporasııaǵa Salyq kodeksinde kózdelgen tártippen jáne merzimderde MT-102 forma­­­tyndaǵy bir tólem tapsyrmasymen «AAJJJJ» formatynda mindetti zeınet­aqy jarnalary tólenetin kezeńderdi (aı/aılar, jyl) kórsete otyryp, aýdarady. Agentter mindetti zeınetaqy jarnalaryn ýaqtyly aýdarmaǵan jaǵdaıda jeke tulǵalardyń tizimin qosa bere otyryp, MT-102 for­matyndaǵy tólem tapsyrmasyn qalyptastyrý arqyly aýdarý árbir aı úshin jeke júrgiziledi. Agentter mindetti zeınetaqy jarnalary aýdarylatyn kezeńdi tólemder bank shotyn ashpaı júrgizilgen kezde «Kezeń» degen jolda, tólemder agenttiń bank shotynan aqshany esepten shyǵarý jolymen júrgizilgen kezde «Tólemniń maqsaty» degen baǵanda, al MT-102 formatyndaǵy elektrondyq tólem tapsyrmalarynda «REKIOO» degen negizgi sózde kózdelgen «AAJJJJ» formatynda qaǵaz jetkizgishterde jasalatyn tólem qujattarynda kórsetedi.».