SQO ákimi jattyqtyrýshylarǵa páter syılady

Aqbas Alataý baýraıynda joǵary deńgeıde uıymdas­ty­ryl­ǵan HHVIII Dúnıejúzilik qys­qy Ýnıversıada oıyndarynda soltústikqazaqstandyq sportshylar arasynan Rınat Mýhın jar­qyraı kórindi. Ol erler arasynda ótken shańǵy jarysynyń 7,5 shaqy­rymdyq komandalyq estafetasynda kúmis medal oljalaǵan bolatyn. Oblys ákimi baıraqty báse­kege qatysqan sportshylar men olardyń bapkerlerin qabyldap, úlken qurmet kórsetti. Eki jylda bir ret uıymdastyrylatyn dúbirli dodada jerlesterimizdiń jaqsy jetistikterge jetkenin atap kórsetti. Máselen, kon­kı­shiler Tatıana Klımchýk 5000 metr men 3 shaqyrym qashyqtyqta besinshi, Roman Kerch 500 metrlik qashyqtyqta jetinshi, 1000 metrlik qashyqtyqta segizinshi nátıje kór­setip, úzdik ondyqqa endi. О́ńir basshysy Rınattyń barsha qazaqstandyqtardyń senimin aqtaı bilgenine rızashylyq bildi­rip, alǵys hatpen jáne aqsha­laı syılyqpen marapattady. Al onyń ata-anasy jáne jattyq­tyrý­­shylary Aleksandr, Sáý­le Mýhınderge úsh bólmeli pá­ter­diń kiltin tabys etti. Sanaýly kúnderden keıin Japonııanyń Sapporo qalasynda VIII qysqy Azııa oıyndary bas­talady. Onda shańǵyshy Rınat Mý­hın, konkıshiler Roman Kerch, Dmıtrıı Babenko, Elena Ýr­van­seva, Tatıana Klımchýk Qazaq­stan namysyn qorǵaıtyn bola­dy. О́mir ESQALI, «Egemen Qazaqstan» Soltústik Qazaqstan oblysy