«Betkeıdegi butalar kóleńkesinde» kórkem fılminiń óndirisi bastaldy

Sh.Aımanov atyndaǵy «Qazaqfılm» kınostýdııasynda Mádenıet jáne sport mınıstrliginiń tapsyrysy boıynsha «Betkeıdegi butalar kóleńkesinde» atty jańa tolyqmetrajdy kórkem fılmniń óndirisi bastaldy. Fılmniń rejısseri − «Siz kimsiz, Ka myrza?» fılmimen tanymal Qýat Ahmetov. Fılm­de basty róldi KSRO jáne Qazaqstannyń Halyq artısi Asanáli Áshimov somdaıdy. – Ideıa avtory – Asanáli Áshimov. Ol 2014 jyly maǵan elden shalǵaı turatyn jalǵyz bas­ty qart týraly fılm túsirýdi usyndy. Asanáli aǵanyń oıy boıynsha qarııa – dala fılosofy, túrli ǵylymǵa qyzy­ǵatyn adam, – deıdi Qýat Ahmetov. Túsirilim jumystary ús­timizdegi jyl­dyń mamyr-maý­sym aılaryna jospar­lanǵan fılmniń ssenarııin Qýat Ahmetov pen reseılik kınodramatýrg Odelsha Agı­shev túrki halyqtarynyń ańyz-áńgime­leri negizinde jazǵan. – Bul jobany iske asyrý týraly usynys aıtqaly beri túrli janrdaǵy talaı ssenarıı jazyldy. Alaıda ol ssenarıılerde meniń kórer­menderge aıtar oıym durys jetkizilmegen bolatyn. Sondyqtan da Qýat ekeýmiz dramatýrgty kóp izdedik. Aqy­ry dramatýrg tabylyp, bul másele oń sheshimin tapty. Qazir túsirilim jumystaryn asyǵa kútip otyrmyz, – deıdi bul jóninde Asanáli Áshimov. Oralhan DÁÝIT, «Egemen Qazaqstan»