«Saryarqa» men «Torpedoda» múmkindik mol

Joǵary hokkeı lıgasyndaǵy pleı-off kezeńiniń 1/4 fınalynda qazaqstandyq «Torpedo» men «Saryarqa» komandalary ekinshi oıyndaryn ótkizdi. ● О́skemende ótken matchta «Tor­­pedo» Sankt-Peterbýrgtiń «Dınamosymen» kezdesip, 3:2 esebimen basym tústi. Kezdesýdiń alǵashqy goly 5-mınýtta soǵyldy. Bul tusta Kırıll Tambıev kózge túsip, pıterlikterdi alǵa shyǵardy. Arada bir mınýt ótkende Maksım Kapıtýrov esepti teńestirip úl­gerdi. Degenmen, 17-mınýtta qo­naqtar Artem Tamılınniń kóme­gimen ekinshi shaıbalaryn saldy. Ekinshi kezeń qaýipti shabýyl­darǵa toly bolsa da, esep ózge­rissiz qaldy. Úshinshi kezeńde shyǵysqazaqstandyqtar Djordon Saýtornnyń arqasynda esepti 2:2-ge jetkizdi. Matchqa jınalǵan qaýym tartysty básekeniń kýási bolǵany aıdan anyq. Sebebi, negizgi ýaqytta jeńimpaz komanda anyqtalmaı, oıyn overtaımǵa ulasqan. Bul ýaqytta da qos komanda bir-birin ańdýmen ótkizdi. Tek ekinshi overtaımda Evgenıı Rymarev jeńis golyn soqty. «Torpedo» men «Dınamo» ara­­syndaǵy jalpy esep 1:1 boldy. Kelesi kezdesý erteń Sankt-Peterbýrgte ótedi. ● Osy synda óner kórsetip jat­qan «Saryarqa» Qaraǵandyda «Zaýrale» komandasymen kúsh synasyp, 2:3 esebimen utylyp qaldy. Alǵashqy oıyndaǵy jeńilisti qaperinde ustaǵan «Zaýrale» oıynshylary kezdesýdiń 3-mınýtynda esep ashyp úlgerdi. Ony Evgenıı Poltorok óz enshisine jazdy. Kezeń sońynda Artem Mıheev basymdyqty arttyra tústi. Dál osydan keıin alǵa um­tylǵan qaraǵandylyqtar 35-mınýtta Mıhaıl Anısınniń kóme­gimen esep aıyrmashylyǵyn qys­qartsa, 42-mınýtta tarazy basyn te­ńestirip ketti. Bul matchtyń ne­gizgi ýaqytynda da jeńimpaz ta­­byl­maı, oıyn overtaımǵa jal­ǵasty. О́kinishke qaraı, Nıkıta Sı­rot­kın 65-mınýtta «Saryarqa» qaq­­pasynan sańylaý taýyp, «Za­ýrale­­niń» jeńisine sebepshi boldy. Qos komandanyń arasyndaǵy jalpy esep 1:1 boldy. Kelesi match erteń Reseıdiń Qorǵan qalasynda ótedi.