«Ertis» ekpininen jańylmaıdy

Pavlodardyń "Ertisi" jańa maýsymnyń alǵashqy týrlaryn táýir nátıjelermen bastady. Ujym birinshi týrda Oraldyń "Aqjaıyq" komandasyn 2:1 esebimen utsa, kelesi oıynda azýly "Astanamen" teń oınady. Alǵashqy matchtan keıin Pavlodar fýtbol federasııasynyń prezıdenti Rasýl Orazǵulovpen suhbattasqan edik. Áńgime álemdegi birinshi nómirli sporttyń aımaqtaǵy damýy jaıly órbidi. – Jeńis qutty bolsyn, Rasýl Qabdollauly! Bıylǵy fýtbol maýsymy «Ertis» úshin erekshe. Klýb birneshe jyldyq úzilisten soń, Eýropa lıgasynda oınaý múmkindigine ıe boldy. Osy oraıda, komandanyń jańa maýsymǵa daıyndyǵy qalaı? – Rahmet. Ázirlik oıdaǵydaı ótti. Klýb Túrkııada úsh oqý-jat­tyǵý jıynynda bolyp qaıt­ty. 11 joldastyq kezdesýge qatysty. Transferlik baǵyt­taǵy jumystarǵa da kóńil tolady. Bapkerler jaqsy komanda jasaqtady. Byltyrǵy maýsym­nan komandada Davıd Lorııa, Qazbek Geterıev, Pıra­ly Álıev, Rýslan Esimov, Kar­los Fonseka jáne Serikbol Qapa­nov qalǵan edi. Bıyl ujym­dy Qazaqstannyń Ulttyq jáne jastar quramalarynda óner kórsetken tájirıbeli fýtbol­shylar tolyqtyrdy. Atap aıt­qanda, qazaq fýtbolynda ózindik orny bar Aleksandr Kıs­lısyn men Ilıa Vorotnıkov «Er­tistiń» jeıdesin kıdi. Jar­tylaı qorǵaýshylar Aslan Dara­baev pen Ilıa Kalının klýbpen kelisimshartqa otyrdy. Pavlodarlyq klýbtyń sapynda Serj Bando, Frank Dja Djedje, Stefan Jıv­kovıch, Rodrıgo Antonıo, Ev­genıı Tkachýk já­ne Ismael Fofana syndy legıo­nerler óner kórsetedi. Jer­gilikti jas fýtbolshylardy da umyt­qan joqpyz. Valerıı Len­kov, Arman Smaılov jáne Madııar Ramazanov syndy jergi­likti fýtbol mekte­biniń túlek­teri «Ertistiń» negizgi qura­my­na alyn­dy. Jigitter jerge qarat­paýy tıis. – «Ertistiń» aldyna qoıyl­ǵan naqty meje qandaı? – Byltyr birinshilikti úshin­shi orynmen túıindedik. Bıylǵy meje – sol deńgeıden tómen túspeý. Sondaı-aq, ÝEFA Eýro­pa lıgasynyń birinshi kezeńin baǵyn­dyrý. Qalǵanyn bara kó­rermiz. – О́ńir fýtbolynyń damýy týraly ne aıtasyz? Balalar, jas­óspirimder fýtbolyna qan­­shalyqty kóńil bólingen? – Oblysta barlyǵy 628 fýtbol seksııasy jumys isteıdi. 232 shaǵyn fýtbol jáne 1 jaǵa­jaı fýtboly seksııasy bar. Aımaqtaǵy fýtbolmen shuǵyl­danýshylardyń jalpy sany – 19 061 adam. Olarmen 417 jatt­yqtyrýshy jumys isteıdi. Materıaldyq-tehnıkalyq ba­za da jyl saıyn jetildirilýde. О́ńirde 1 jabyq manej jáne 15 stadıon bar. Sondaı-aq, ja­sandy kógal tóselgen 106 sha­ǵyn fýtbol alańy el ıgili­gine qyzmet etýde. Oblys orta­lyǵynda fýtbol boıynsha ma­mandandyrylǵan balalar men jasóspirimder sport mektebi jyl saıyn talanttardy úlken sportqa qosýda. Búginde munda 800-ge jýyq oqýshy tálim alady. Sondaı-aq, Pavlodar qala­synda 2012 jylǵy mamyrdan «Ertis» fýtbol ortalyǵy jumy­syn bastady. Onda 6-17 jas ara­lyǵyndaǵy 365 bala tárbıelenýde. О́ńirde jyl saıyn túrli týr­nırler uıymdastyrylady. Mysaly, mektep oqýshylary arasynda «Bylǵary dop» dodasy, B.Kýlaevty, A.Svıatovty, I.Vagnerdi eske túsirýge arnal­ǵan dástúrli týrnırler jyl saıyn júzdegen fýt­bolshynyń basyn qosady. Fýtbol áýes­qoılary arasyn­daǵy oblys chempıonaty da tartysty óriledi. Fýtbol ınfraqurylymyn damytýǵa kóńil bólingen. Byl­tyr 38 shaǵyn fýtbol alańy ornatyldy. Bıyl oblysqa qarasty úsh qala men Baıanaýyl jáne Tereńkól aýyldarynda tolyq ólshemdi fýtbol alańdary paıdalanýǵa berilmek. – Bıyl Pavlodardyń Or­talyq stadıony senimdi bas­qarýǵa berildi. Bul qa­dam ózin ózi qanshalyqty aqtaıdy? – Endi Ortalyq stadıonnyń 2022 jylǵa deıin damýy «Ertis» fýtbol klýbyna baılanysty. Sebebi, stadıon tolyqtaı klýb­tyń qarajaty esebinen qam­tamasyz etilmek. Nysandy senim­di basqarýǵa berý arqyly memleket bıyl 37 mln teńge únemdeıdi. Únemdelgen qarjy qalanyń ózge qajettilikterine ba­ǵyttalmaq. «Ertis» fýtbol klýby sharttarǵa sáıkes, balalar-jasóspirimder sport mektebiniń oqýshylaryna, sport­tyń I, II toptaǵy múgedek­te­rine jáne múmkindigi shekteýli balalarǵa fýtbol alańyn tegin usynatyn bolady. Áńgimelesken Farhat ÁMIRENOV, jýrnalıst PAVLODAR