N. Noǵaev atyraýlyqtarǵa munaı-gazdan basqa da salalarda jumys isteýge shaqyrdy

Atyraý oblysynyń ákimi Nurlan Noǵaev tabysy kóp jumysqa tez turýdyń jolyn aıtty. Bul týraly búgin oblysqa jumys saparymen kelgen Eńbek jáne halyqty áleýmettik qorǵaý mınıstri Tamara Dúısenovamen kezdesý kezinde belgili boldy, - dep habarlaıdy Tengrinews.kz. Bıyldan bastalǵan "Nátıjeli jumyspen qamtý jáne jappaı kásipkerlikti damytý baǵdarlamasy" aıasynda aımaqta bıyl 250 adamǵa tegin kásiptik bilim beriletini, 750 adamǵa bıznespen aınalysý negizderi úıretiletini jáne de 500 adam qysqa merzimdi kýrstardan ótip, baǵdarlama aıasynda 5000 myńnan astam jumys orny ashylatyny aıtyldy. Jıyn kezinde oblys ákimi turǵyndardy tek munaı-gaz salasyna qyzyǵyp otyra bermeı, baǵdarlamanyń múmkindikterin paıdalanyp qalýǵa shaqyrdy. "Oblys turǵyndarynyń kóbi munaı men gaz salasynda jumys istegisi keledi. Al tekserip qarasań, keıbir salada jumys izdep júrgen adam kóp te, keıbir salada tipten az. Al jumys isteıtin bilikti maman taba almaı júrgen kompanııalar qanshama. Turǵyndar bul jaǵdaıdy paıdalanyp, tıisti bilim alýǵa talpynsyn. Baǵdarlama aıasynda adam jetispeıtin mamandyqtardy tegin oqytamyz. Bul - úlken múmkindik", - dedi aımaq basshysy. Sonymen qatar, bıyl mıkronesıe berýge 840 mıllıon, nesıege kepildik berýge 100 mıllıon teńgege jýyq aqsha qarastylyp otyrǵany belgili boldy.