Keshe Qyzylorda qalasyndaǵy Dostyq úıinde «SarapTime» sarapshylar klýbynyń «Jańa Konstıtýsııalyq kezeńdegi Qazaqstan» taqyrybyndaǵy kezekti otyrysy ótti. Zań ǵylymdarynyń kandıdaty, «QR Zań ınstıtýty» gýmanıtarlyq ýnıversıtetiniń jetekshi ǵylymı qyzmetkeri Mereke Ǵabdýalıev sharanyń basty spıkeri boldy, sondaı-aq aımaqtaǵy saraptamalyq qoǵamdastyq ókilderi qatysty. Sarapshylar klýbynyń 2017 jylǵy alǵashqy otyrysy bılik tarmaqtary arasyndaǵy ókilettikterdi qaıta reformalaý aıasynda Memleket basshysy Nursultan Nazarbaevtyń bastamasymen bolǵan Qazaqstan Respýblıkasynyń Konstıtýsııasyna engizilgen jańa túzetýlerdi talqylaýǵa arnaldy.
- О́zderińiz biletindeı, Qazaqstanda búkilhalyqtyq Konstıtýsııalyq reformanyń jobasyn talqylaý aıaqtaldy. Bılik tarmaqtary arasyndaǵy ókilettilikterdi qaıta reformalaý jónindegi jumys tobyna 6 myń azamattan ótinish kelip tústi. Azamattardyń pikirin eskere otyryp, Parlament zań jobasyn bekitti. 10 naýryz kúni Memleket basshysy Konstıtýsııaǵa engizilgen ózgeristerdi maquldady. Sarapshylar qaýymdastyǵynyń endigi basty maqsaty – túsindirme jumystaryn júrgizý. Sondyqtan biz konstıtýsııalyq quqyq boıynsha tájirıbeli zańger Mereke Ǵabdýalıevty shaqyrdyq,- dedi kirispe sózinde otyrystyń moderatory, Qyzylorda oblysy ákiminiń keńesshisi Artýr Nyǵmetov.
Spıker Mereke Ǵabdýalıev bılik tarmaqtaryn qaıta bólýdegi negizgi pýnktter men onyń saldary týraly aıtyp berdi.
- Uzaq ýaqyttar boıy biz prezıdenttik respýblıkada ómir súrdik jáne sonyń arqasynda zańnamalyq reformalardyń teris tusy bolǵan joq. Búginde biz Elbasynyń konstıtýsııalyq deńgeıde óz ókilettiliginen bas tartyp, Parlament paıdasyna sheship otyrǵanyn kórip otyrmyz. Sonymen qatar basqarý modeli prezıdenttik bolyp qalady,- dedi M.Ǵabdýalıev.Osydan keıin sarapshy otyrysqa qatysýshylardyń saýaldaryna jaýap berdi.
