Túrkııa týrızmdi damytýdyń joldaryn úıretedi

Ońtústik Qazaqstan oblysy ákimdiginde óńir basshysy Janseıit Túımebaev pen Túrkııanyń mádenıet jáne týrızm mınıstrliginiń sheberleri – Djezzım Ozdemır, Mýrat Ozen jáne Túrkııadaǵy týragenttikter qaýymdastyǵynyń ýákiletti ókili Cherı Erdaldyń kezdesti, dep habarlady QazAqparat. Oblys ákimdiginiń baspasóz qyzmetiniń habarlaýynsha, ońtústiktegi týrızm salasynyń mamandaryn oqytýǵa kelgen delegasııa múshelerimen bolǵan otyrysta taraptar aımaqtaǵy atalmysh salany damytý jaıyn talqylady. Basqosýda óńir basshysy oblystyń týrıstik áleýetiniń joǵary ekenin aıtyp, túrkııalyq týrızm salasy bilgirleriniń bul salada mol tájirıbesi baryn jetkizdi. «Biz týysqan túrik aǵaıyndarmen tájirıbe almasýǵa nıettimiz. О́ıtkeni, Túrkııada sońǵy ýaqytta týrızm salasy jaqsy damyp keledi. Mysal keltirsek, keıingi jyldary Túrkııaǵa 40 mln týrıst kelgen. Antalııa men Alanııanyń ózinde ınfraqurylymy jolǵa qoıylǵan jáne qyzmet kórsetý deńgeıi joǵary 1 500-den astam úsh juldyzdy, tórt juldyzdy jáne bes juldyzdy qonaq úıler bar. Sondyqtan, bizge olardyń tájirıbesin paıdalaný kerek», – dedi ákim. Ońtústik Qazaqstan oblysyndaǵy týrıstik fırmalardyń qyzmet kórsetý deńgeıin jaqsartý úshin aptalyq oqý kýrsyn ótkizýge kelgen túrik delegasııasy týrıstik operatorlardyń biliktiligin jetildirý, meıramhana bıznesine baýlý jáne qonaq úı menedjmentine úıretý taqyryptarynan turatyn úsh kezeńdi sheberlik dáristerin ótkizbek. Oǵan 70-ten astam týrızm salasyndaǵy mamandar qatysady. Aıta ketý kerek, atalǵan oqý kýrsy «Ońtústik Qazaqstan oblysynyń týrızm ındýstrııasyn damytý qaýymdastyǵy» men Túrkııanyń týragenttikter qaýymdastyǵy jáne týrıstik aqparattyq ortalyǵynyń kelisimi nátıjesinde júzege asyrylyp otyr. Aptalyq oqytý jumystarynan soń kýrsty sátti aıaqtaǵan qatysýshylarǵa arnaıy sertıfıkattar tabys etilmek.