«Táýelsiz Qazaqstan» – Shý óńirinde

Poıyzdyń maqsaty – halyqtyń áleýmettik jáne quqyqtyq jaǵdaılaryna nazar aýdarý El Táýelsizdiginiń 25 jyl­dyǵy qurmetine arnalǵan «Táýelsiz Qazaqstan» poıy­z­y keshe Shý qalasyna keldi. Uzaq saparyn Astana qalasynan bastap, elimizdiń birneshe aımaǵyn aralap, temir jol boıyndaǵy aýyl turǵyndaryna túrli qoldaý men kómek kórsetip kele jatqan kerýendi Shý aýdanynyń turǵyndary ystyq yqylaspen qarsy aldy. Bul kópultty aýdan turǵyndarynyń yntymaq, birligin aıǵaqtap turǵandaı áser berdi. – Táýelsizdik barshaǵa ortaq, jasampaz mereke, – dedi saltanatty qarsy alý sharasynda Shý aýdanynyń ákimi Rústem Dáýlet. – Odan asqan qundylyq joq. О́ńirdegi barlyq ıgilikti ister eń aldymen halyqtyń birligi men yntymaǵy arqasynda múmkin bolýda. Búgingi poıyz da berekeli birliktiń, eldiktiń jarqyn kórinisi. Poıyz quramyndaǵy azamattar arqyly aýdan turǵyndaryna ár sala boıynsha túrli keńester men kómekter berilmekshi. Sondyqtan, «Táýelsiz Qazaqstan» poıyzynyń múshelerine aýdan jurtshylyǵy ókilderi atynan zor alǵysymyzdy bildiremiz. «Táýelsiz Qazaqstan» poıyzynyń shtab jetekshisi Ámirjan Álpeıisov  Shý jeri Qazaq handyǵynyń týy tigilip, talaı memleket jáne óner qaıratkerleri dúnıege kelgen kıeli ólke ekenin tilge tıek ete kelip, sapar maqsatyna toqtaldy. «Barlyq ıgilikti ister qashan da aýyldyq jerden bastaý alyp jatady. Sondyqtan, biz bul sharany qaladan emes, aýdandar men aýyldardan bastaǵandy jón kórdik. Olar – mınıstrlikterdiń jetekshi mamandary. Bizdiń poıyzdyń maqsaty – tek Qazaqstan Respýblıkasy Táýelsizdiginiń 25 jyldyǵyna ar­nal­ǵan mereıtoılyq sharalar ǵana emes, jurtshylyqtyń áleýmettik jáne quqyqtyq jaǵdaılaryna nazar aýdarý», dedi Ámirjan Álpeıisov. Sondaı-aq, «Táýelsiz Qazaqstan» poıyzynyń múshesi, general-maıor, zań ǵylymdarynyń doktory, professor S.Qoıbaqov Qazaq­stannyń 25 jylda jetken jetis­tikteri men artyqshylyqtaryn aıta kelip, aldaǵy ýaqytta da osyn­daı jarqyn kúnder jalǵasa beredi degen senimin bildirdi. Al, Shý aýdanynyń «Navroz» kúrdi etnomádenı birles­tiginiń múshesi D.Mýradov túrli ult ókilderi turatyn ári yntymaǵy jarasqan aýdan halqynyń tirshiligi týraly aǵynan jaryldy. Bul kúni aksııaǵa qatysýshylar aýdan turǵyndarymen kezdesip, bıznes, kásipkerlik, aýyl sharýa­shylyǵy, tutynýshylardyń quqyq­taryn qorǵaý, bilim berý máse­leleri boıynsha keńes berdi. Sondaı kezdesýdiń biri – №10 Shý kolledjinde ótip, aýdannyń ár óńirinen jınalǵan bilim salasynyń qyzmetkerleri jáne stýdent jastary bilim salasyna tolǵandyryp júrgen saýaldaryna jaýap aldy. Arnaıy mamandar bilim salasyna qatysty ózekti máseleler men usynystardy tyńdap, ony mınıstrliktiń nazaryna usynyp, turǵyndardyń ótinishterin aıaqsyz qaldyrmaıtynyn jetkizdi. Sondaı-aq, bul jıynda bilim salasyn qarjylandyrý kólemi, jańadan salynǵan bilim nysandary, 25 jyl ishinde qol jetkizilgen jetistikter keńinen aıtyldy. Iаǵnı, bilim salasy nesıesine kepildik berý jáne jobalardy damytý departamentiniń menedjeri Qýanysh Máýlet bilim salasyndaǵy qarjylandyrý júıesi týraly málimdep, jastardyń joǵary oqý ornynda bilim alýy úshin aqsha jınaýǵa arnalǵan depozıt, stýdentterge arnalǵan nesıelendirý, onyń júzege asý joldary, jeńildikteri jaıly jan-jaqty túsinik berdi. Al Bilim jáne ǵylym mınıstrligi joǵary jáne joǵary oqý ornynan keıingi bilim berý departamentiniń sarapshysy Oljas Shohaev elimiz­degi joǵary oqý oryndarynyń sany, olardyń sapalyq quramy, aspırantýra, magıstratýra, doktorantýra boıynsha granttyq negizge memleket tarapynan bólinetin qarajat kólemi, aldaǵy tyń josparlar men jańashyldyqtardy aıtyp ótti. Sondaı-aq, bul kúni «Táýelsiz Qazaqstan» poıyzynyń músheleri jergilikti halyqqa, onyń ishinde zeınetkerlerge, múgedekterge, soǵys ardagerlerine jəne shalǵaıda or­nalasqan aýyl turǵyndaryna óz qyzmetterin usynyp, medısınalyq, əleý­mettik, quqyqtyq kómekter kórsetti. Oralhan DÁÝIT, «Egemen Qazaqstan» Jambyl oblysy