Abý Dabıde ótken sammıtte Nobel laýreattary mádenı mura obektilerin qorǵaý úshin qajetti sharalardy kúsheıtýdi usyndy, dep habarlaıdy BBC. Olardyń aıtýynsha, IýNESKO-da tirkelgen 1052 mádenı mura eskertkishteriniń 55-i qaýipti jaǵdaıda eken.
Konferensııada shıelenis alańdarynda qalǵan mádenı muralardy qorǵaýǵa 100 mıllıon dollardy quraıtyn qor uıymdastyrý týraly sheshim qabyldandy. Onyń 30 mıllıonyn Fransııa beredi. Bul qarajat obektilerdi qorǵaýǵa, jóndeý jumystaryna jumsalady.
Sırııa, Malı men Iraktaǵy tarıhı oryndar, Sırııa men Iemendegi ejelgi eskertkishter sońǵy jyldary kóp shapa shekti. Sonymen qatar mádenı qundylyqtarǵa tabıǵı qubylystar men ekologııalyq problemalar da keri áser etýi múmin.
"Bizdiń tarıhtyń keıbir bólshegi máńgilikke joq boldy. Bul bolashaqqa degen senimdi azaıtýy múmkin", - delingen habarlamada. Oǵan Mıanma (Bırma) kóshbasshysy Aýn San Sý Chı, BUU burynǵy bas hatshysy Kofı Annan, Lıberııanyń prezıdenti Elen Djonson-Serlıf, jazýshylar Orhan Pamýk pen Marıo Vargas Losa qol qoıǵan.
