Erevandaǵy Armenııa Ulttyq kitaphanasynda QR Ulttyq kitaphanasy Armenııanyń Mádenıet mınıstrligi men osy eldegi Qazaqstan elshiliginiń qoldaýymen Qazaqstan Táýelsizdiginiń 25 jyldyǵyna arnap "Qazaqstan ádebıetiniń buryshy" atty kórme ashty, dep habarlady QR SIM baspasóz qyzmeti.
Bul sharaǵa Armenııanyń Mádenıet mınıstriniń orynbasary N. Ter-Vardanıan, Armenııadaǵy Qazaqstan elshisi T. Ýrazaev, Qazaqstan Ulttyq kitaphanasynyń sektor basshysy E. Alı, Armenııanyń Ulttyq kitaphanasynyń dırektory T. Zargarıan, Erevan memlekettik ýnıversıtetiniń oqytýshylary, stýdentteri jáne BAQ ókilderi qatysty.
Bir aıta keterligi, atalǵan kórmege qoıylǵan eksponattar arqyly armıandar qazaq halqynyń tarıhymen, mádenıtimen, salt-dástúrlerimen tanysa alady. Sonymen qatar kitap qory osy elde qalady. Armenııa Mádenıet mınıstri orynbasarynyń aıtýynsha, dál osyndaı shara Astanada da ótedi.
Kórme aıasynda eki eldiń Ulttyq kitaphanalary arasyndańy seriktestik týraly memorandýmǵa qol qoıyldy.
