«Ońtústik» qarjy ortalyǵy tómengi paıyzben 1608 jobany qarjylandyrǵan. Bul týraly OQO aımaqtyq kommýnıkasııalar qyzmetinde ótken brıfıngte «OŃTÚSTIK» AIO tóraǵasy Arman Danaev málimdedi, dep habarlaıdy OQO ákiminiń baspasóz qyzmeti.
Onyń aıtýynsha, jalpy somasy 5 429,9 mln. teńge bolatyn 4 114 jumys orny ashylatyn 1 608 joba qarjylandyryldy. Atalǵan jobalar iske qosylǵan ýaqytta jyl saıyn 23 mlrd. teńgeniń ónimi óndiriledi dep josparlanýda. Olar aýylsharýashylyǵy ónimderi, traktor, jıhaz, qurylys zattary jáne t.b. Iаǵnı, ortalyq ındýstrıalandyrý kartasyna engen 6 joba, mal sharýashylyǵyn damytý baǵytynda 661, kóktemgi dala jumystary boıynsha 839, ıntensıvti baý sharýashylyǵy boıynsha 2 joba, al aýylsharýashylyq ónimderin qaıta óńdeý salasy boıynsha 3 joba jáne basqa da baǵyttarda 97 jobaǵa qarjylaı qoldaý kórsetken. «Jalpy 2009-2016 jyldary «OŃTÚSTIK» aımaqtyq ınvestısııalyq ortalyǵy men enshiles «Yrys» mıkroqarjy uıymy birlese otyryp jalpy quny 41 889 mln. teńgeni quraıtyn 13 921 jobany qarjylandyrdy. Nátıjesinde 36 419 jańa jumys oryndary ashyldy. 2016 jyly ortalyq qarjylandyrǵan jobalarynyń aýdan, qala kesindisi boıynsha qazirgi tańda Ordabasy aýdany eń joǵarǵy kórsetkishpen tirkelip otyr. Iаǵnı bıyl atalǵan aýdanda 1 214,0 mln. teńgege 126 joba nesıelendirilgen. Sondaı-aq, kompanııa basshylyǵy aldaǵy jylǵa óz aldyna birqatar mindettemeler men josparlar qoıyp otyrǵandyǵyn málim etti. Aıtylǵan derekter boıynsha, ortalyq qosymsha eki jańa baǵdarlama ázirlep usynýdy josparlaýda. Olar aýylsharýashylyq ónimderin óńdeý jáne bıznes ınkýbator baǵdarlamalary. Oǵan qosa eńbek ónimdiliginiń sapasyn arttyrý maqsatynda e-stable elektrondy platformasyn endirý. Sonymen qatar, kompanııa jumysynyń trasparenttiligin arttyrý maqsatynda elektrondy qujat aınalymy júıesin endirý sııaqty birshama josparlary bar.
