Alqa otyrysy

Ashat Daýylbaevtyń tóraǵalyq etýimen, Ishki ister mınıstri Q.Qasymovtyń qaty­sýy­men Bas prokýratýra alqasynyń oty­ry­sy ótip, onda paıdakúnemdik maqsatta kúsh qoldanyp jasalǵan qylmystar (tonaý, qa­raq­shylyq shabýyl, bopsalaý) týraly qyl­mystyq isterdi tergegen jáne sotta qaraǵan kezde zańdylyqty saqtaý máseleleri qaraldy. Alqa májilisi beınebaılanys rejıminde barlyq oblystardyń prokýrorlary jáne IID bas­shy­larynyń qatysýymen ótkizildi. Bas prokýror qylmystardy esep­ke alýdan jasyrý, azamat­tar­dyń konstıtýsııalyq quqyqtaryn buzý, qylmystyq isterdi tergegen kezde sózbuıdaǵa salý, osy sanat­taǵy ister boıynsha zańsyz is júrgizý sheshimderin qa­byl­daý oryn alǵan jaǵdaıda ishki ister organdary qyzmetkerleriniń derbes jaýapkershiligin kúsheı­týdi talap etti. Oblys prokýrorlary men ishki ister depar­tamentteriniń bas­shy­laryna bir aı merzimde qyl­mys­pen jáne quqyq buzýshy­lyq­pen kúrestiń óńirlik baǵdar­la­malarynyń oryndalýynyń jaı-kúıin, kóshedegi beınebaqy­laý­dyń jaǵdaıy jáne tıimdiligin zerdelep, osy máseleni quqyq qorǵaý organ­dary­nyń Úılestirý keńesinde qaraý tapsyryldy. Sondaı-aq jergilikti prokýratýra jáne ishki ister organdarynyń basshylarynan sot tóreliginen boı tasalap júrgen kináli adam­dardy izdeý jáne zańmen belgilengen jaýapkershilikke tar­tý­dyń barlyq qajetti sharalaryn qa­byldaý talap etildi, dep habar­la­dy Bas prokýratýranyń bas­pasóz qyzmeti.