Foto: istockphoto.com
Ulttyq jospardaǵy boljamdarǵa súıensek, ınvestısııalardyń Jalpy ishki ónimdegi úlesi qazirgi 14-15%-dan 2029 jyly 23%-ǵa deıin ulǵaıady. Nátıjesinde, negizgi kapıtalǵa salynatyn qarjy aǵyny 2024 jylǵy deńgeımen salystyrǵanda 2029 jyly 2,5 esege artady dep kútiledi. Bul rette metallýrgııa, munaı hımııasy, gaz óndirisi men farmasevtıka salalaryn ilgeriletýge basymdyq berilmek.
Búginde memleket ınvestor shaqyrýmen ǵana shektelmeı, ekonomıkalyq ósýdiń proaktıvti saıasatyn engizýge kóshti. Endigi kezekte Úkimet jergilikti bıznestiń suranysyna saı «ınvestısııaǵa tapsyrys» qalyptastyryp, jańa óndiristerdi óristetý úshin daıyn tehnologııalary bar sheteldik seriktesterdi tartýdy qolǵa alady.
«Bul saıasattyń máni – memlekettiń tek ınvestorlardy shaqyrýymen ǵana shekteletin modelden naqty ınvestısııalyq jobalardy qalyptastyrý men iske qosýǵa memlekettiń belsendi qatysýy modeline kóshý. Investısııa tartýdyń bul tásili ekonomıka salalarynyń naqty qajettilikterine baǵyttalǵan. Atalǵan jobalardy júzege asyrý eldegi eńbek ónimdiliginiń ortasha deńgeıin arttyrady, bul «orta tabys tuzaǵyn» eńserý jáne jan basyna shaqqandaǵy jalpy ishki ónimniń odan ári ósý úshin qajet negizgi sharttardyń biri», dedi Serik Jumanǵarın.
