Foto: gov.kz
Qaıyrhan Tutqyshbaev jumys istep turǵan munaı óńdeý zaýyttaryn josparly túrde keńeıtý 2030 jylǵa qaraı dızel otynynyń tapshylyǵyn joıýǵa múmkindik beretinin, al 2033 jyly tórtinshi zaýytty iske qosý avıakerosınge degen qajettilikti tolyq óteıtinin jáne K5 standartyndaǵy joǵary sapaly munaı ónimderin eksportqa shyǵarýdy qamtamasyz etetinin habarlady.
Sonymen qatar Qashaǵan ken ornynda gaz óńdeý qýatyn arttyrý jumystary júrgizilip jatyr. 2026 jyldyń sońynda GО́Z-1-diń iske qosý arqyly jylyna 2,5 mlrd tekshe metr taýarlyq gaz óndiriledi. Munaı-gaz hımııasy sektorynda basty nazar tereń óńdeýge baǵyttalǵan. Polıetılen, býtadıen jáne karbamıd shyǵarý jónindegi jobalardy júzege asyrý shıkizatpen salystyrǵanda ónim qunyn 20 esege deıin arttyrýǵa múmkindik beredi. 2026 jyly Pavlodar oblysyndaǵy alkılat óndiretin zaýyttyń qurylysy odan ári qarqyndy túrde jalǵasady, bul elimizdiń ishki qajettilikterin 100% qamtamasyz etedi.
Oljas Bektenov: Azamattardyń tabysyn arttyrýǵa basa nazar aýdarylady
Memleket basshysynyń tapsyrmasyn oryndaý aıasynda 2026-2033 jyldary elimizde qýaty jylyna 10 mln tonna bolatyn jańa MО́Z-diń tehnıkalyq-ekonomıkalyq negizderin ázirleý, jobalaý, salý jáne iske qosý boıynsha jumystaryn júzege asyra otyryp, qaıta óńdeý qýatyn jylyna 40 mln tonnaǵa deıin jetkizý kózdelgen.
9 iri joba tolyq iske qosylǵanda óndiris kólemi eselep artady
«Keńeıtý jobalary munaı ónimderiniń tapshylyǵyn kezeń-kezeńimen azaıtýǵa múmkindik beredi. 2033 jyly tórtinshi zaýyt esebinen avıakerosın tapshylyǵy joıylyp, kórshi elderge JJM eksporty bastalady. Jumys istep turǵan zaýyttarda qaıta óńdeý úlesi 94%-ǵa deıin ósedi, al otyn sapasy K5 standartyna deıin artady», dedi Qaıyrhan Tutqyshbaev.
