Úkimet «Egemen Qazaqstannyń» aptalyq qosymshasy

«Nur Otan» partııasynyń  halyqtyq  tuǵyrnamasy

Ony Úkimet  qalaı júzege asyrdy?

2007 jyldyń shilde aıynda «Nur Otan» halyqtyq-demokratııalyq partııasynyń el ekono­mıkasyn odan ári damytý, halyqtyń ál-aýqatyn jaqsartý máselelerin qamtyǵan Halyqtyq tuǵyrnama qabyldaǵany belgili. Osynaý mańyzdy qujat qabyldanǵan kezde Qazaqstan ekonomıkasy joǵary qarqynmen alǵa basyp turǵan bolatyn. Arada bir jyldan sál astam ǵana ýaqyt ótkende elimiz álemdik qarjy daǵdarysynyń salqynyn sezine bastady. Soǵan qara­mastan Qazaqstan Úkimeti daǵdarysqa qarsy qabyldanǵan is-sharalardy tııanaqty júzege asyra otyryp, partııa tuǵyrnamasyn júzege asyrýda eleýli tabystarǵa qol jetkize bildi. Eger osy atalǵan kezeń aralyǵynda atqarylǵan jumystardyń bastylaryna, dálirek aıtqanda, aıryqsha basymdyqqa ıe salalardaǵy jetistikterge toqtalar bolsaq, onda tómendegi kórsetkishterdi erekshe atap kórsetýge bolady. 2007-2010 jyldary ishki jalpy ónimniń turaqty ósýi qam­tamasyz etildi. Qarjy-ekonomıkalyq daǵdarystyń eń bir aýyr kezińiniń ózinde 2009 jyly 1,2 paıyzdyq ósimdi qamtamasyz ete otyryp, IJО́-ni «psıhologııalyq plıýste» ustap turýdyń sáti tústi. 2010 jyly Qazaq­stannyń ishki jalpy ónimi 148 mıllıard AQSh dollarynan asty, bul ortalyqazııalyq tórt memlekettiń jıyntyq IJО́-sinen eki ese kóp. Tabystary tómengi kúnkóris deńgeıinen tómen tur­ǵyndar úlesi eki ese: 2007 jylǵy 12,7 paıyzdan 2010 jyly 6,5 paıyzǵa qysqardy. Bıýdjet salasy qyz­metkerleriniń ortasha eńbekaqylary 2007 jylǵa qara­ǵanda 2011 jyly eki eseden astamǵa ósip, 67 myń teńgeni qurady. Jumyssyzdyq deńgeıi aıtarlyqtaı kemidi. Ol 2007 jylǵy 7,3 paıyzdan, ústimizdegi jyldyń ekinshi toqsa­nynda 5,4 paıyzǵa deıin qysqardy. Osy kezeńde 1mıllıon 170 myń jańa jumys oryndary ashyldy. 2008-2010 jyldarǵa arnalǵan memlekettik tur­ǵyn úı qurylysy baǵdarlamasy sheńberinde ǵana 19,7 mıllıon sharshy metr turǵyn úı paıda­lanýǵa berildi. Osy kezeńde 535 myń qazaq­standyq turǵyn úı jaǵ­daılaryn jaqsartty. 2007 jylmen salystyrǵanda elde zeınetaqy mól­she­ri 2,6 ese ósip, 27665 teńge boldy. Bazalyq zeınet­­aqy tólemderiniń kólemi tómengi kúnkóris deń­geıiniń 50 paıyzyna deıin artty.  Arnaýly memlekettik jár­dema­qylar kólemi 2007 jylmen salystyrǵanda 1,4 ese ulǵaıdy. 2008 jyldyń qańtarynan bastap jańa týǵan balaǵa tólenetin bir jolǵy járdemaqy mólsheri 2 ese ósti. Jańa týǵan sábıdiń bir jasqa tolǵanǵa deıingi kútimine beriletin járdemaqy 2,6 eseden astamǵa artty. 2011 jyly tórt jáne odan da kóp bala týǵandarǵa beriletin járdemaqy 2007 jylmen salystyrǵanda 4,6 eseden astamǵa ósti. Bilim berýdi qarjylandyrý shyǵyndary is jú­zinde 2 esege ulǵaıdy. Eger 2007 jyly ol 480,7 mıllıard teńge bolsa, 2011 jyly 898 mıllıard teńgeden asty. «Nur Otan» partııasynyń Halyq­tyq tuǵyrnamasyn oryn­daý kezeńinde mektepke deıingi uıymdar qata­ry 4000 nysanǵa kóbeıdi. 137 balabaqsha salynsa, 2011 jyldyń sońyna deıin taǵy 65-i iske qosylady. 2007 jyldan beri 343 mektep jáne 49  teh­nıka­lyq jáne kásiptik bilim beretin oqý oryn­dary salyndy. Ústimizdegi jyldyń sońyna deıin taǵy da 25 mektep pen 3 KTÝ paıdalanýǵa berilmek. Pedagog qyzmetkerlerdiń laýazymdyq jalaqy­lary 2009 jáne 2010 jyldary 25 paıyzǵa, al 2011 jyly taǵy da 30 paıyzǵa ósirildi.  2008 jyl­dan bastap pedagog qyzmetkerlerge bazalyq laýazymdy jalaqynyń 100 paıyzy mólsherinde ótemaqy tólemderi esepteletin boldy. 2011 jyldyń 1 qyrkúıeginen bastap muǵalim­derdiń biliktilik kategorııasyna tólenetin qosym­sha aqy mólsheri ulǵaıtyldy, óndiristik oqytý sheberlerine qosymsha aqy engizildi. IýNESKO esebine sáıkes 2008 jyly Qazaqstan Bilim berýdi damytý ındeksi boıynsha 129 eldiń ishinde tórtin­shi oryn aldy. Densaýlyq saqtaý salasyn memlekettik bıýdjetten qarjylandyrý kólemi 2 eseden astamǵa ósip, 2007 jylǵy 311 mıllıard teńgeden 2011 jyly 640 mıllıard teńgege jetti. Qazirgi zamanǵy jabdyq­tar satyp alý úshin medısına mekemelerine 100 mıllıard teńgedeı qarjy bólindi. Osy kezeńde 145 densaýlyq saqtaý nysanynyń qury­lysy aıaqtaldy. Kepildi tegin medısınalyq kómek kólemi aıtarlyqtaı ulǵaıdy. 2011 jyldyń birinshi jartysynda ana ólimi 2007 jylǵa qaraǵanda 63 paıyzǵa tómendedi (100000 tiri týǵan nárestelerdiń 46,8-inen 17,2-ge deıin). Náres­teler ólimi 26 paıyzǵa kemidi. (2008 jylǵy 1000 tiri týǵan nárestege 20,8-den 2011 jyly 15,4-ke deıin). Qabyldanǵan keshendi sharalar kútiletin ómir súrý uzaqtyǵyn 2007 jylǵy 66,4 jastan 2010 jyly 68,4 jasqa deıin ulǵaıtýǵa múmkindik berdi. Osylaısha halyqtyń ómir súrý uzaqtyǵy eki jylǵa uzardy. Ǵylymı zertteýlerdi qarjylandyrý 2011 jyly 2007 jylǵa qaraǵanda 1,8 esege ulǵaıdy. 5 ǵylymı laboratorııa jáne 15 ınjenerlik baǵdardaǵy laboratorııa quryldy. Belsendi jumys isteıtin shaǵyn kásipkerlik sýbektileri sany 2007 jylmen salystyrǵanda 4,1 paıyzǵa ósti. Shaǵyn bıznes sýbektileri shyǵarǵan ónimder 2007 jylǵa qaraǵanda 12,2 paıyzǵa artty. El IJО́-sindegi shaǵyn jáne orta kásipkerlik úlesi 2010 jyly 30 paıyzdan asty. Prezıdent tapsyrmasyna sáıkes 2007 jyldyń qara­shasynda Úkimet Qazaqstannyń turaqty áleý­met­tik-ekonomıkalyq damýyn qamtamasyz etý jó­nindegi birinshi kezekti josparyn ázirledi. Jos­pardy júzege asyrý úshin 2007 jyldyń qarashasynan 2008 jyldyń jeltoqsanyna deıin memlekettik bıýdjetten 400 mıllıard teńge bólindi. Ekinshi deńgeıli bankter arqyly turǵyn úı nysandaryndaǵy qurylystardy aıaqtaý úshin úlestik qurylysqa qatysýshylardy qoldaý maqsatynda 190 mıllıard teńge bólindi. Shaǵyn jáne orta bıznes jobalarynyń iskerlik belsendiligin qoldaý úshin 142 mıllıard teńge qarjy qarastyryldy. Azyq-túlik qaýipsizdigin qamtamasyz etýge 75 mıllıard teńge jumsaldy. Qarjy sektoryn turaqtandyrý baǵytynda aýqym­dy sharalar júzege asyryldy. Halyqtyń banktegi salymdarynyń saq­talýyn qamtamasyz etý úshin jeke tulǵalardyń depozıtterin kepildi qalpyna keltirý somasy 700 myń teńgeden 5 mıllıon teńgege deıin ulǵaıtyldy. Aýyl sharýashylyǵyn damytýǵa bıýdjet qarjy­laryna qosymsha Ulttyq qordan 120 mıllıard teńge baǵyttaldy. 2009-2010 jyldary óńir­lik eńbekpen qamtýdy jáne kadrlardy qaıta daıarlaýdy júzege asyrý úshin 342,7 mıllıard teńge bólindi. Osy jyldar ishinde 640 myńnan astam adam eńbekpen qamtýdyń «Jol kartasyna» qatysty, onyń ishinde 100 myń adam «Jastar tájirıbesimen» qamtyldy. Aıta ketý kerek, joǵaryda keltirilgen derekterde negizinen Úkimettiń áleýmettik mindettemelerdi oryn­­daý barysynda atqarǵan jumystary ǵana qam­tylyp otyr. Degenmen, osy keltirilgen tolyq emes mysaldarǵa qarap-aq Qazaqstan Úkimetiniń álemdik qarjy-ekonomıkalyq daǵdarys ákelgen qı­yn­dyq­tarǵa qaramastan partııanyń Halyqtyq tuǵyrna­masynda aıtylǵan mindettemelerdi tolyqtaı oryn­daǵanyn kórýge bolady. «Egemen-aqparat».