DINARALYQ KELISIM MEN TÚSINISTIK

– ózgelermen ortaq til tabysýǵa umtylystyń jemisi Keshe Qazaqstan Respýblıkasynyń Prezıdenti Nursultan Nazarbaev Almatydaǵy rezıdensııasynda Máskeý jáne Búkil Reseı Patrıarhy Kırılldi qabyldady. Orys pravoslavıe shirkeýiniń basshysy Qazaqstanǵa Elbasynyń shaqyrýymen kelgen-di. Kezdesý barysynda toleranttylyqqa, konfessııaaralyq jáne ultaralyq kelisimge qatysty máseleler talqylandy. – Búginde Qazaqstanda dinniń esh kedergisiz damýy úshin barlyq qajetti jaǵdaı jasalǵan, – dep atap ótti kezdesýde N.Nazarbaev. – Dinge, dindarlardyń múddesine qurmetpen qaraý jáne olarmen qaltqysyz qarym-qatynas jasaý – bizdiń memleketimizdiń túbegeıli saıasaty. Sondaı-aq Memleket basshysy orys pravoslavıe shirkeýi basshy­sy­nyń Qazaqstanǵa kelýi – alda­ǵy ýaqytta elimizde turatyn túrli etnostardyń dinaralyq yntymaq­tas­tyq qatynastaryna, senim­di­ligin, toleranttylyǵyn damytýǵa qyzmet etetinin aıta kelip, mártebeli meı­mannyń nebári on jyldyń aıasyn­da turǵyzylǵan Astanada bolǵany­nan habardar ekenin, ondaǵy Or­talyq Azııadaǵy eń úlken ǵıba­dat­hana – Ýspen kafedraldy sobo­ry­nyń elordada salynýyn basy­nan aıaǵyna deıin qadaǵalap otyr­ǵanyn, muny elimizge kelgen qo­naǵymyz ben pravoslavıelikterge jasalǵan syılyq retinde qabyl­daýyn, óıtkeni, elimizdiń táýel­siz­dik alǵan jyldary Elbasynyń saıasatyn qoldap, túsinistikpen qaraǵanyna rızashylyǵyn aıtty. – Qazaqstan men Reseı búginde biregeı memleketter, óıtkeni, olar Keńes Odaǵy tarap ketse de osy ýaqytqa deıin tek saıası, ekono­mı­ka­lyq qatynastardy ǵana emes, má­denı jáne dinı, rýhanı baıl­a­nys­tardy da saqtap qaldy. Son­dyq­tan sizdiń kelgenińizge rıza­shylyǵymdy bildiremin. Osy sapa­ryńyzda bizdiń halyqtyń qonaq­jaılyǵyn, qurmetin jáne sizge degen súıispenshiligin sezindi dep oılaımyn, – dedi Memleket bas­shysy. О́z kezeginde Máskeý jáne Búkil Reseı Patrıarhy Kırıll Qa­zaqstan Prezıdenti N.Nazar­baevqa ultaralyq jáne konfes­sııa­aralyq kelisim júrgizip otyr­ǵany úshin rızashylyǵyn bildirdi, sondaı-aq qazaqstandyq kóshbas­shy­nyń ıntegrasııalyq bastama­la­ryn joǵary baǵalady. Qazaq­stan­daǵy beıbit qatar ómir súrý men etnosaralyq kelisim qandaı oń saıası jáne ekonomıkalyq jetis­tik­terge jetkizgenin, sonymen qa­tar elde etnosaralyq qatynas­tar­dyń damýyna jaıly jaǵdaı jasa­lyp otyrǵanyn, osynyń barlyǵy eldegi turaqtylyqtyń mańyzdy saıası faktory ekendigin erekshe atap ótti. – Men Astanada bolyp, jańa salynǵan Ýspen kafedraldyq sobo­ryn kórdim. Qatty unady. Muny Qazaqstannyń pravoslavıelikterge degen izgi kózqarasy men qurmeti­niń belgisi dep bilemin. Eń kóne din­der sanalatyn ıslam men pra­vo­slavıe arasynda eshqashan qaqtyǵys bolǵan emes. Bolmaıdy da. О́ıtkeni, Sizdiń salıqaly saıa­satyńyzdyń arqasynda Qazaq­stan­da qazir túrli dinderdi ustana­tyndar tatý-tátti ómir súrip ja­tyr. Bul álem elderine úlgi bolar­lyq úderis, – deı kele, mártebeli meıman Qazaqstanda osydan 27 jyl buryn, ıaǵnı 1983 jyly bolǵanyn, búginde munda kóp sha­rýanyń shapshań qarqynmen damyp, memlekettiń tanymastaı ózgergenin aıtyp, ásirese, bir mezette boı túzegen elordaǵa degen tańdanysyn jasyrmady. – Saıyn dala tósinde keremet nysandary, ǵımarattary, ásem úıleri men zamanaýı ınfra­qury­lymdary bar jáne mádenıeti jo­ǵa­ry adamdar turatyn qalanyń paıda bolýy – sony qubylys der edim, – dedi ol. Kezdesý barysynda Máskeý jáne Búkil Reseı Patrıarhy Kı­rıll Prezıdent Nursultan Na­zarbaevqa dinaralyq yntymaq­tas­tyqqa, beıbitshilik pen halyqtar arasyndaǵy dostyqty nyǵaıtýǵa qosqan úlesi úshin “Dańq jáne qurmet” ordenin tapsyrdy. * * * Elbasy qabyldaýyna deıin mártebeli meıman jeksenbi kúni áýejaıdan birden Abaı atyndaǵy Memlekettik akademııalyq opera jáne balet teatryna kelip, Alma­ty qalasynyń jurtshylyǵymen kezdesti. Onda Patrıarh eki eldiń Eýrazııa keńistiginiń ekonomıka­lyq damýynda mańyzdy ról atqa­ratynyn, qazirgi jaǵdaıda tek eko­nomıkalyq qana emes, rýhanı jáne mádenı baılanystardy ny­ǵaıtý da mańyzdy ekenin aıta kele, Qazaqstan búginde halyq­ara­lyq qoǵamdastyqtyń beldi de be­deldi músheleriniń biri bolyp tabylatynyn atap kórsetti. Buǵan Qazaqstannyń EQYU-daǵy tóraǵa­lyǵy da aıqyn aıǵaq ekeni anyq. Odan keıin orys pravoslavıe shirkeýiniń basshysy Nıkolskıı soborynda qulshylyq rásimin ótkizýge qatysty. Munda 1995 jyly Aleksıı II bolyp, minájat etken. Bir aıta keterligi, osy jyl­dar aralyǵynda Qazaqstanda eldegi jumys jasap turǵan pravoslavıe hramdary men soborlarynyń úshten ekisi jańartyldy. Qazir olardyń sany 300-ge jýyqtap, 6 monastyr ashylǵan. Qulshylyq rásiminen keıin meıman 28 panfılovshy-gvardııa­shy­lar saıabaǵyndaǵy Dańq memo­rıalyna gúl shoqtaryn qoıdy. Al dúısenbide tańerteń Vozne­sen kafedraldyq soborynda Pa­trıarh Kırılldiń qatysýymen Qudaıǵa qulshylyq – qasıetti sýmen alastap, ǵıbadat etý rásimi ótti. Gúlzeınep SÁDIRQYZY