Jyr merekesine óner juldyzdary Altynbek Qorazbaev, Maqpal Júnisova, Qanat, Aıtkúl Qudaıbergenovter qatysyp, aqyn sózine jazylǵan ánderdi oryndady. Memlekettik syılyqtyń laýreaty Sábıt Dosanov, halyqaralyq «Alash» syılyǵynyń laýreattary Aqushtap Baqtygereeva, Qasymhan Begmanov, oblys ákimi Nurlan Noǵaev 70 jastyń bıigine shyqqan mereıtoı ıesine lebizderin arnap, syı-qurmet kórsetti.
Osy kúni sondaı-aq, Serik Turǵynbekulynyń «Muqaǵalı» dramasy Atyraý oblystyq Mahambet atyndaǵy qazaq drama teatrynda qoıyldy. «Osy qoıylym qaı sahnada bolsyn árqaısysy bir-birine uqsamaıtyn aıryqsha sıpatqa ıe bolady», dep atap ótti Serik Turǵynbekuly. Muqaǵalı aqynnyń shyǵarmashylyǵy men ómir jolynan syr shertetin dramanyń rejısseri – Janat Teltaev, sýretshisi – Temirbek Muhtarov.
Jaıyq jaǵasyndaǵy jurttyń óner men óleńge degen qurmetin aıryqsha baǵalaǵan jazýshy Sábıt Dosanov: «Aqyndary ákimderin izdese, ondaı eldiń mańdaı sory bes eli, ákimderi aqyndaryn izdese, baqyt nuryn keshedi. Atyraýdyń qazaqtyń ulan-baıtaq ólkesinde alatyn orny erekshe», dep rızashylyǵyn bildirdi.
Baqytgúl BABASh,
«Egemen Qazaqstan»
ATYRAÝ
