– Otandyq joǵary oqý oryndarynyń basqarýshylary men oqytýshylary osynda oqýdan ótip, sodan soń ýnıversıtettiń úzdik jumystary men tájirıbesin ózi eńbek etetin oqý ornyna engizýi tıis. Ýnıversıtet – bizdiń jańa jahandyq talapqa strategııalyq jaýabymyz. «Bolashaq» baǵdarlamasy qarjysynyń bir bóligin Nazarbaev ýnıversıtetine baǵyttaýdyń ýaqyty keldi. Naryqqa ózderiniń ıdeıalary men tehnologııalaryn usynatyn jas ǵalymdar konsýltasııa, alǵashqy kapıtal, ǵımarat, marketıng jáne zańgerlik qyzmet túrleri boıynsha júıeli kómekke ıe bolýy qajet, dedi Elbasy.
Prezıdenttiń aıtýynsha, ýnıversıtette qazirgi kezde stýdentter sany 4 myńǵa jetti. Keleshekte olardyń sany eki esege artady. Búginde munda álemniń 55 elinen kelgen ǵalym jumys isteıdi. Olar sabaq berip qana qoımaı, ǵylymı zertteýlerin júrgizedi. Oqý men zertteý tili – aǵylshyn. Osy ýaqytqa deıin álemdik ǵylymı basylymdarda myńnan astam ǵylymı jumys jaryq kórgen. Sondaı-aq júzden astam bilim jáne ǵylym mekemelerimen áriptestik ornatyldy. Nazarbaev ýnıversıteti Qytaı, Gonkong, Úndistan, Indonezııa, Japonııa, Ońtústik Koreıa, Malaızııa, Sıngapýr jáne basqa da elderdiń jetekshi joǵary oqý oryndary enetin Azııa ýnıversıtetter alıansynyń teń quryltaıshysy atandy. Dese de, óziniń biregeıligin saqtaı otyryp, áriptesterdiń ozyq tájirıbesin qabyldaı bilý arqyly halyqaralyq baılanystardy ári qaraı damyta berý kerek, dedi N.Nazarbaev.
Dýman ANASh,
«Egemen Qazaqstan»
